Ɣeberuu 12:22 - JAM DE NHIALIC 2011

²² Ënɔɔnë we cï bɛ̈n paannhial në kuur ë Dhiɔn nɔm, Jeruthalem pänydït de Nhialic pïïr, kekë aguum ke tuucnhial loi miɛtëpiɔ̈u.

Ɣeberuu 12:22 ပူးပေါင်းရင်းမြစ်များ

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 42:2

Piɔ̈ndï ë yal ë Nhialic, ë yal në Nhialic pïïr. Ee nɛn, yen bän Nhialic tïŋ nyin?

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Diɛt 84:2

Anhiaar adï ja tɔ̈u ëtɛ̈ɛ̈n! Akaar bä rëër në ɣön de Bɛ̈nydït. Në piɔ̈ndï ëbɛ̈n yɛn bï Nhialic pïïr, piɔɔny në diɛt ke miɛtëpiɔ̈u.

Diɛt 87:3

Piëŋë yïn pänydït de Nhialic, piŋ kadït cï keek lueel në biäkdu.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 14:32

Eeŋö buk lɛ̈k tuuc ke jur? Abuk lɛ̈k keek an Bɛ̈nydït ë Dhiɔn yïk ke kɔckɛn kuanynyïïn ke ke bï mät yök ëtɛ̈ɛ̈n.

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Yith 59:20

Aye Bɛ̈nydït lɛ̈k kɔcke an, “Yɛn bï bɛ̈n Jeruthalem bä we bɛ̈n luök, ku kuɔny week wedhie, wek kɔc cï luɔiduön de awɛ̈ɛ̈c pɔ̈l.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 17:25

Ku ëtɛ̈ɛ̈n meliiken ku wɛ̈ɛ̈t meliiken abïk aa tɛ̈ɛ̈k ë kɛ̈l ke Jeruthalem thook, ku dekkï nïïm riɛl de bääny wään tɔ̈u ke Debid. Abïk kɛɛc në abëëliic ku jöŋgöör kɔ̈ɔ̈th, ëtök në kɔc ke Juda, ku kɔc ke Jeruthalem, ku pänydïït de Jeruthalem abï yic thiäŋ ke kɔc aköölnyïïn ëbɛ̈n.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.

Math 16:16

Go Thimon Petero bɛ̈ɛ̈r an, “Yïn ee Kërtho, Wën ë Nhialic pïïr.”

Math 5:35

Ku du ë lueel ë piny aya, ee kë ye Nhialic ecök dhɔ̈ɔ̈r, ayï Jeruthalem, du ë lueel, ee pänydïït ë Melik dït.

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

Romai 9:26

Ku tëman wään cï ke yɔ̈ɔ̈k thïn an, ‘We cie kɔckï,’ Yen ee tëmanë guöp yen abïï ke cɔɔl thïn an, Wek ee wɛ̈ɛ̈t ke Nhialic pïïr.”

Galatai 4:26

Ku Jeruthalem nu nhial alääu nɔm, yen aye maada wodhie.

Epethiei 2:19

Yen ënɔɔnë, we cïï be aa kɔc lei ku cäkï ë juöör lei, wek ee kɔc ke wun tök wekë kɔc ɣerpiɔ̈ɔ̈th ku yak kɔc ke dhiën ë Nhialic.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Nyöŋ 5:26

De raan cï kɔn pïïr, raan cï Nhialic Pïïr piŋ ke jam ë macic?

Pilipoi 3:20

Ku wook, paanda ee paan nu nhial, paan ee wok Konydewëi tiit thïn, yen aye Bɛ̈nydït Yecu Kërtho:

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

Ɣeberuu 10:31

Amawoou në raan bï lööny ë Nhialic pïïr cin.

Ɣeberuu 11:10

Abraɣam aa tit jäl le yen wun nu paannhial kɛ̈ɛ̈c ë këërkëërde aril aɣet athɛɛr. Wun ë keer Nhialic yic ku yïk.

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Ɣeberuu 13:14

Në biäk cïn wok nïïm wun bï tɔ̈u anande ë piny nɔm eenë, ee wun bï bɛ̈n yen atitku.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 14:1

Na wën, ke ya jɔt anyin, ku jɔ Nyɔŋamääl tuöl ke kääc ë kuurdït Dhiɔn nɔm, ku kääc kɔc në yen ëtök agum kabɔt ku thiërŋuan ku ŋuan, ke ke cath në rinke, ku rin ke Wun, ke ke cï gɔ̈ɔ̈r ë kenyïïn tueŋ.

Nyuuth 21:10

Go ya jɔt në riɛl ë Wëidït leer ɛn ë gök de kuurdït bäär nɔm, ku jɔ a nyuöth pänydït ɣeric Jeruthalem, ke bɔ̈ piny paannhial tëde Nhialic,

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.

Nyuuth 22:19

Ku na de raan bï wël kɔ̈k jɔt ë wël cï guiirë yiic wël ke awerekë, ke biäkde abïï Nhialic jɔt ë awerek de pïïric, ku pänydïït ɣeric, ka cï gɔ̈ɔ̈r ë awerekë yic.

Nyuuth 3:12

Raan ee tiam, abä tɔ ye mën ë luaŋdïït ë Nhialicdï, ku rin ke pänydïït ë Nhialicdï, yen aye Jeruthalem cï piac yïk, abɔ̈ piny tënhial tëde Nhialicdï, ku gäär nɔm rinkiën cï piac cak.

Nyuuth 7:2

Aguɔ tunynhial däŋ tïŋ, abɔ̈ nhial: go tuucnhial kaŋuan cɔɔl ë röl dït, tuuc cï gäm riɛl bï kek piny riɔ̈ɔ̈k ayï wɛ̈ɛ̈r,