Ɣeberuu 12:2 - JAM DE NHIALIC 2011

² Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 12:2 ပူးပေါင်းရင်းမြစ်များ

Diɛt 110:1

Bɛ̈nydït acï bɛ̈nydï yɔ̈ɔ̈k an, “Nyuc ë yalɔ̈ɔ̈m në ciin cuënydï agut të bän kɔc dɛ wek ater tɔ ee kɔmduön ee yïn yïcök dhɔ̈ɔ̈r.”

Diɛt 138:8

Yïn bï këriëëc cï yïn gutguut lueel ëbɛ̈n looi, Bɛ̈nydït nhiëërduön agɔk ee tɔ̈u athɛɛr! Thöl luɔiduön cï gɔl.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Kuɛ̈n 21:9

Go Mothe kërɛɛc ë maläŋ thɔ̈ɔ̈th, ku tɛ̈ɛ̈u në wai nɔm. Go raan cïï kërac kac en aa woi go ŋuɛ̈ɛ̈n.

Math 16:21

Ëköölë acï Yecu kɔckɛn ë piööcë gɔl ë nyuuth luɔi bï en dhil jäl le Jeruthalem, ku luɔi bï en kajuëc guum tëde röördït ku bänydït ke ka ke Nhialic, ku kɔc ë löŋ gɔ̈ɔ̈r, ku bï nɔ̈k abï thou, ku bï rɔt bɛ jɔt ëkööl ee kek diäk.

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Mak 14:36

Go lueel an, “Abba, Wäär, yïn ee käŋ lëu kedhie, nyaaiyë bïnyë tëde yɛn: ku acie këde yɛn piɔ̈u, ee këde yïn piɔ̈u.”

Mak 15:28

Go këcïgɔ̈ɔ̈r jɔ aa yic, ke ɣɔn cï lueel an, “Acï mat kekë kɔc ee löŋ rɛɛc.”

Mak 16:19

Na wën, aacï Bɛ̈nydït Yecu thök ë jam ke keek, ke jɔt leerë paannhial, ku jɔ nyuc ë baŋ cuëny de Nhialic.

Mak 9:12

Go ke yɔ̈ɔ̈k an, “Elija abï kɔn bɛ̈n ëyic, go käŋ bɛ puk tɔ ke piɛth kedhie: ku cï gɔ̈ɔ̈r adï në këde Wën ë Raan, nɔn bï en kajuëc dhil guum, ku dhäl guöp?

Mak 9:24

Go wun meth cööt ënɔnthiinë, go pïïu lony ë yenyin, ku lueel, an, “Acä gam, Bɛ̈nydït, kony ɛn në kuny kuöc ɛn gäm!”

Luk 17:5

Go tuuc Bɛ̈nydït yɔ̈ɔ̈k an, “Ŋuak gämda nyin.”

Luk 23:11

Na wën, ke dhälkï guöp, yen Ɣerod kekë remdɛn ë tɔŋ, ku jɔkï geet guöp, agokï yiɛ̈n kɔ̈u lupɔ cï lɔ riauriau, ku jɔkï bɛ pɔ̈k nɔm Pilato.

Luk 24:26

Kën Kërtho kake dhil guum, ku jɔ lɔ tëde ë dhuëëŋ?

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 12:24

Wek yɔ̈ɔ̈k ëyic an, nyin töŋ de rap të kën en lööny piny, thou, ka rɛ̈ɛ̈r etök: ku na thou, ka jɔ luɔk ë mïth juëc.

Jɔn 12:32

Ku yɛn, të cï a jat nhial ë piny nɔm, kɔc kedhie abä ke miɛɛt të nuö yɛn.”

Jɔn 13:3

Ku ŋic Yecu nɔn cï Wun käŋ tääu ë yecin kedhie, ku ŋic nɔn ë bïï yen tëde Nhialic, ku nɔn le yen tëde Nhialic.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 8:56

Kuɛɛrëdun Abraɣam aa mit piɔ̈u në tïŋ duëër en kööldï tïŋ, ago tïŋ, ku jɔ piɔ̈u a yum.”

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 3:15

Bɛ̈nydït ë Wëi acäk nɔ̈k, raan cïï Nhialic jɔ̈t bei ë kɔc cï thou yiic, ku wok ee cäätɔɔ në cöökë.

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

1 Kor 1:18

Ku guiëër ë wël ke tim cï rïïu nɔm ee këɣɔ̈ric tëde kɔc bï määr, ku ye riɛldït ë Nhialic tëde wook wok kɔc kony wëi.

1 Kor 1:23

ku wook, wok guiir Kërtho, raan cï piäät ë tim cï rïïu nɔm kɔ̈u, tëde Judai, ee kë ye kɔc tɔ kɔ̈th, ku tëde Girikii ee këɣɔ̈ric,

Epethiei 2:16

bï en keek määt ë Nhialic keek kaarou, në guöp tök në tim cï rïïu nɔm, në nyiɛɛi cï en ater nyaai aya.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

Pilipoi 3:20

Ku wook, paanda ee paan nu nhial, paan ee wok Konydewëi tiit thïn, yen aye Bɛ̈nydït Yecu Kërtho:

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Ɣeberuu 1:13

Acïn tunynhial cïï Nhialic kɔn yɔ̈ɔ̈k an, “Nyuc ë ciin cuënydï, aɣet të bän kɔckuön ke ater tɔ ye ka Yïn ke Yïcök dhɔ̈ɔ̈r.”

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 10:14

Näŋ töŋdɛn cï Yen rɔt tɔ näk, ë kɔc tɔ piɛthpiɔ̈ɔ̈th aɣet athɛɛr, kɔc cï päl karɛcken.

Ɣeberuu 10:33

Ku wään ye we läät ku minë we në kɔc nïïm kedhie në biäkë ku biäkë, kɔc cï luöi katuc thook, wek e gum në keek ëtök.

Ɣeberuu 11:36

Kɔc kɔ̈k aake ye dɔl gup ku duike në wɛt, ku ye kɔ̈k duöt në ɣööt ke dömiic.

Ɣeberuu 12:3

Eeŋö cä wek aterdïït cïï Yecu guum ee tak, ku lɛ̈ɛ̈t wään ye kɔc kën gam ye läät! Agokï we muk piɔ̈ɔ̈th, ke we cïï röt bï pälwei ku cäkï piɔ̈ɔ̈th bï bäp.

Ɣeberuu 13:13

Yen kë duëër wok lɔ ka në wut këc biic, lok ayäär rɔm në yen ëtök.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

Ɣeberuu 7:19

Löŋ akën kɔc wään ee Nhialic lɔ̈ŋ në ee kueerë ɣɛɛt të duëër kek dikëdik. Go Nhialic kueer däŋ bï wok thiɔ̈k në Yen looi, a gëm wook aŋäth ŋuän.

Ɣeberuu 8:1

Këdan luelku an, wok de nïïm Bɛ̈nydïït ë kake Nhialic, Bɛ̈ny rɛ̈ɛ̈r ë ciin cuëëny ë thööny ë Awärjäŋ paannhial.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

Jakop 2:1

Wek mïthëkɔckuɔ, duökï gäm de Bɛ̈nydan Yecu Kërtho, Bɛ̈nydïït de dhuëëŋ ee muk në kuëny aa wek kɔc kuany yiic.

1 Pet 1:11

Ayek cök ë kɔɔr kek en an, Ee köölou ku nɔn ee yen kööl cït ŋö, kööl cï Wëidït nu ë keyiic nyooth, ɣɔn lueel kek ka bïï Kërtho guum, ku dhuëëŋ bï bɛ̈n ë kecök, ke ke ŋoot wei.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.

Juda 1:21

ku yak röt mɔ̈k ë nhiëër ë Nhialicic, abäk kok de Bɛ̈nydan Yecu Kërtho piɔ̈u aa tiit ayɔ̈k wek pïïr athɛɛr.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 2:8

Ku gäär tunynhial de ɣön ë Nhialic nu Thumurna alë: Kakë aluel raan keek, raan tueŋ ku ye raan ciëën, raan ëcï thou, ku be pïïr: