Ɣeberuu 12:14 - JAM DE NHIALIC 2011

¹⁴ Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

Ɣeberuu 12:14 ပူးပေါင်းရင်းမြစ်များ

Cäk 32:30

Ago Jakop ee pinyë cäk an Peniɛl, lueel an, “Yɛn ë Nhialic tïŋ ke ya ŋoot ke ya pïïr.”

Jop 19:26

na cak thou, ku cï guöpdï liu, ke aŋiɛc nɔn bän ŋööt ke ya bï Nhialic tïŋ.

Jop 33:26

Ku na lɛ̈ŋ ke lɔ̈ŋde aye Nhialic piŋ, yen ee Bɛ̈nydït lɔ̈ŋ në miɛt ë piɔ̈u, abï käŋ bɛ kiɛm piny në biäkde.

Diɛt 120:6

Yɛn cï rëër aläl wokë kɔc man mät!

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Diɛt 34:14

Päl kërac ku loi këpiɛth, ye mät kɔɔr në piɔ̈ndu ëbɛ̈n.

Diɛt 38:20

Ayek këpiɛth cä looi puk nɔm në kërac, ayek ɛn cäk thok në luɔi yan ye them bä këpiɛth looi.

Diɛt 94:15

Në biäk bïï ë yic rɔt pɔ̈k kɔc piɛthpiɔ̈ɔ̈th, ku kɔc lɔ piɔ̈ɔ̈th wai kedhie abïk gam.

Kɛ̈ŋ 15:1

Ŋiëc bëër në piɔ̈n lir ee agɔ̈th tɔ lɔ piny, ku wël tuc thook ayek agɔ̈th tɔ ɣeer.

Kɛ̈ŋ 16:7

Raan cïï Bɛ̈nydït piɔ̈u miɛt ke yen, aye Bɛ̈nydït kɔc ke aterde puk ke ke ye määthke.

Kɛ̈ŋ 17:14

Të cïï agɔ̈th e thar cak aye dap duöm piny ke cï bï ɣeer, aduëër ciët wɛ̈ɛ̈r cïï thɔc dhuɔɔŋ.

Yith 51:1

Aye Bɛ̈nydït lueel an, “Piɛŋkï këdï, wek kɔc kɔɔr kuɔɔny, wek kɔc ee luääk kɔɔr tëde yɛn. Takï wenïïm në kuur ë bä wek thïn, të wään wëc ë week bei thïn.

Mak 9:50

“Amilɔ yen apiɛth: ku na cï amilɔ guɔ liɛɛr ë thuat, bäk tɔ wac ë ŋö? Yak dɛ amilɔ ë weyiic, ku yak rëër ëdïu wapäc.”

Luk 1:75

Ke wo tɔ̈u në ɣɛɛrë yic ku piathëpiɔ̈u ë yenɔm ananda.

Romai 12:18

Të lɛ̈u wek rëër ëmääth në kɔc kedhie, ke we them rëër bä wek rëër.

Romai 14:19

Yen ee wok ka ke mät cop ayï ka ke kuɛ̈t bï wok kueet.

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

1 Kor 13:12

Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Galatai 3:21

Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Pilipoi 3:12

Ku acie yöŋ cän e guɔ yök en luɛɛl, ayï dik cän guɔ dikëdik: ku yɛn ŋoot ë ya cop këdäŋ, nɔn de en të bän e dɔm, yen aye kë ë dɔmë yɛn ë Kërtho Yecu aya.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

1 Theth 4:7

Acie këde luɔi col en ë cɔɔlë Nhialic wook, ee këde ɣɛɛrëpiɔ̈u.

1 Theth 5:15

Mäthdhiën, ë cïn raan ee raan luöi kërac raan cï e kɔn luöi kërac, yak këpiɛth kuany cök anandun, ë ŋɛk ë ye ŋɛk luöi këpiɛth, ayï raan ëbɛ̈n.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Ɣeberuu 12:10

Wärkuɔn ke piny nɔm ayek wo duöi kakɛn cïk tïŋ ke ke piɛth ë kepiɔ̈ɔ̈th në ee kaam thiinë. Ku Nhialic ee wo duöi këde piathda, agoku piɔ̈ɔ̈th ɣɛɛr cït man ë Yen.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Pet 3:11

Ë ye rɔt yal ë luɔi de kërac, ku ye këpiɛth jɔ looi, ë ye mät kɔɔr, ku jɔ aa cop.

1 Pet 3:13

Ku eeŋa bï we luöi kërac, të ya wek kɔc ee këpiɛth kuanyic?

2 Pet 3:11

Ku ënɔɔnë, nɔn bï kake riääk kedhie, bäk dhil aa kɔc cït ŋö në rëërduön ɣeric aa wek rëër ku riëëuduön aa wek Nhialic riëëu,

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

3 Jɔn 1:11

Mɛnh nhiaar, du luɔi rac ee dɔmic, ee luɔi piɛth en ee dɔmic. Raan ee këpiɛth looi ee këde Nhialic: ku raan ee kërac looi akën Nhialic tïŋ.

Bäny 11:14

Go Japetha tuuc bɛ tuöc melik de kɔc ke Ammon,