Ɣeberuu 11:9 - JAM DE NHIALIC 2011

⁹ Në gäm de yic aŋäth yen aa tɔ ye rɛ̈ɛ̈r wun cïï Nhialic gäm en ke cït kaman. Aake ye rëër ë pɛɛnyiic ayï Yithaak ku Jakop kɔc wään cïï Nhialic ke bɛ̈n ŋoot ë ke gëm ee thönë.

Ɣeberuu 11:9 ပူးပေါင်းရင်းမြစ်များ

Cäk 12:8

Ku jɔ bɛ̈n kuëëth ke lɔ piny ë kuur, piny nu wun cɔl Bethel kɔ̈u të lɔ aköl amiäk. Ku piëët paanyde në kaam de Bethel kekë wun cɔl Ai, ke Bethel ë nu baŋ të lɔ aköl athɛ̈i, ku Ai ë baŋ të lɔ aköl amiäk. Go Abram Bɛ̈nydït yiëk yïk ëtɛ̈ɛ̈n, ku lɛm.

Cäk 13:18

Go Abram kuëëth, ku le nyuc të thiääk ke tiim ke ɣok ke Mameer, në piny cɔl Ɣebron. Ku yïk Bɛ̈nydït yïk ëtɛ̈ɛ̈n.

Cäk 13:3

Ago bɛ kuëëth ëtɛ̈ɛ̈n ke lɔ Bethel. Go ɣet ë kaam de Bethel kekë Ai, tëdɛn wään tueŋ kɔn en paanyde piäät thïn.

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 18:6

Go Abraɣam yecök gɔp ke lɔ ë paanyic të nu Thara, ku lëk en an, “Nöm aɣaar në aɣar piɛɛthë yic aruööth. Ku wuur, ku thal kuïn.”

Cäk 18:9

Agokï Abraɣam luɔp an, “Thara tiiŋdu nu ë nou?” Go lueel an, “Thara anu ë paanyic.”

Cäk 21:34

Ku Abraɣam acï cieŋ ke rɛ̈ɛ̈r ë Pilithtia.

Cäk 23:4

“Yɛn ee raan lei, ku yɛn rɛ̈ɛ̈r në weyiic eenë. Ɣɔ̈ckï ya piny thiinakäŋ, bän tiiŋdï tɔ̈ɔ̈u thïn.”

Cäk 25:27

Na ɣɔn, cï wäthii dït, go Ethau rɔt tɔ ye yiëm cï leec. Ku tɔ rɔt ee raan nhiaar cäth roor. Ku tɔ Jakop rɔt ee raan lɔ lik, ku ee rëër baai.

Cäk 28:4

Ku abï yïn gäm athiɛɛi de Abraɣam wekë mïthku. Ku abï piny rëër yïn thïn tɔ ee pinydu, piny wään cïï Nhialic gäm Abraɣam.”

Cäk 31:25

Ago Laban Jakop gïth. Ku Jakop acï pɛɛnyke piäät ë kuur nɔm. Ku piëët ë Laban paanyde kekë kɔcke në piny ë kuur ë Giliyad thar.

Cäk 35:27

Ago Jakop lɔ tëde Yithaak wun në Mameer, në Ɣebron lɔ̈ɔ̈m. Të ɣɔn kɔn Abraɣam rëër thïnë kekë Yithaak.

Cäk 36:7

Aa jäl në luɔi ë kën ë piny ke lɛɛr kekë Jakop, aake de nïïm ɣɔ̈k juëc arëët.

Cäk 47:9

Go Jakop puk nɔm an, “Runkiën wään cath ɛn piny lei, ayek bɔt ku thiërdiäŋ ë run. Ku kek ee runkë, alikï ku atuckï thook. Acïkï kït në run ke kuarkuɔ ɣɔn nömkï ke ke cath piny lei.”

Diɛt 105:12

Kɔc ke Nhialic aake lik në kuën, alɛi nu piny de Kanaan.

Jeremia 35:7

Acï wook yɔ̈ɔ̈k aya an cuku ɣööt bï yïk, ku cukku bï aa com, ku wok cïï duum ke enap bï com ku cuku duumken ɣɔc. Acï wook yɔ̈ɔ̈k an buk aa rɛ̈ɛ̈r në pɛɛny yiic ananda, agoku tɔ̈u ee pinydan rëër wok thïnë aköölnyïïn ke wo cït kɔc lei.

Ɣeberuu 6:17

Ku në biäk de kɔc cïï Nhialic ke thɔ̈n miɔ̈c, aye Nhialic kɔɔr bï nyuöth kɔc ëgɔk, luɔi cï Yen kë cï thɔ̈n keek bï waar në gutguut.