Ɣeberuu 11:7 - JAM DE NHIALIC 2011

⁷ Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 11:7 ပူးပေါင်းရင်းမြစ်များ

Cäk 19:14

Ago Lɔt lɔ tëde kɔc bï duɛtke thiaak, ku lëk keek an, “Jatkï röt ku dapkï jäl ë tënë, Bɛ̈nydït akɔɔr nɔn bï En ee wunë riɔ̈ɔ̈k.” Agokï yök cït man alɛɛŋ tei.

Cäk 6:13

Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn.

Cäk 6:22

Go Nowa käŋ looi kedhie, ka cï Nhialic lɛ̈k en.

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

Cäk 7:23

Nhialic ë kapïr bɛ̈n nyaai nyïïn ë piny nɔm ëbɛ̈n, raan ku läi, ku diɛt, ku ka ye mol piny në keyöth. Acï Nhialic ke bɛ̈n nyaai nyïïn kedhie në piny nɔm ale döŋ ke ye ka nu në abëlic në Nowa.

Cäk 7:5

Go Nowa ka cï Bɛ̈nydït lɛ̈k en looi kedhie.

Cäk 8:16

“Lɔ biic abëlic wekë tiiŋdu, ku wɛ̈ɛ̈tku, ku diäär ke wɛ̈ɛ̈tku.

2 Mel 4:5

Go tik lɔ ɣöt kekë wɛ̈ɛ̈tke, ku thiöökï ɣöt në kekɔ̈ɔ̈th, ku jɔ mïth yen aa gäm agut ku jɔ aa kiir.

Jop 35:8

Ee kɔc cït man ë yïn kek abï gum në biäk de karɛc, ku piathëpiɔ̈ndu ee mɛnh ë raan kony.

Kɛ̈ŋ 22:3

Raan ee nɔm tiëër ee agööth tïŋ ku thiɛɛn rɔt, ku tïŋ ë raan ee pëk thïn ku dhoŋ thïn ku be gum.

Kɛ̈ŋ 27:12

Raan ee nɔm tiëër ee agööth tïŋ ku thiɛɛn rɔt, ku tïŋ ë raan ee pëk thïn ku dhoŋ thïn ku be gum.

Edhekiɛl 14:14

Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Edhekiɛl 14:20

na cakaa Nowa, ku Danyel, ku Jop rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny ayï mïthken, piathëpiɔ̈nden ee wëiken kek abïk kony kapäc.”

Edhekiɛl 33:5

Thonde atɔ̈u në yeyeth ke ye awänyde, në biäk kën en lëk cï ë kɔc lɛ̈k tääu në yepiɔ̈u. Na ë cï tääu në yepiɔ̈u adï cï rɔt kual.

Math 2:12

Na wën, acï ke wɛ̈ɛ̈t ë Nhialic në nyuöthic an, cïkï kenïïm be dhuöny të nu Ɣerod, ke ke jɔ jäl lek paanden tëkkï ë kueer däŋ.

Math 24:15

Të cä wek kënhiɛɛny ee käŋ riɔ̈ɔ̈k tïŋ, kë cï lueel ë tiët Danyel, të cä wek e tïŋ akääc tëɣeric (raan kuen jam tɔ yökic apiɛth).

Math 24:25

Tiëŋkï! Acä guɔ lɛ̈k week ke kaam ë ŋoot.

Math 24:38

Acït man ɣɔn thɛɛr ŋoot amooldït wei, kɔc aake ye cam ku dëkkï, ku thiëkkï ku tɔkï duetken thiak, aɣet akööl ë le Nowa ë abëlic,

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Luk 17:26

Ku acït man ɣɔn tɔ̈uwë käŋ ë akööl ke Nowa, yen abï ciët täu bï käŋ tɔ̈u aya ë akööl ke Wën ë Raan.

Romai 1:17

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Romai 10:6

Ku piathëpiɔ̈u wën bɔ̈ në gäm aye lueel alë an, “Du luel ë yïpiɔ̈u an, eeŋa bï lɔ paannhial?” (Luɛɛlde kï, ee bïï le en Kërtho bɛ̈ɛ̈i piny).

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 4:11

Ago cuɛ̈l nööm, bï aa ŋïny bï ye ŋic, ku bï aa bɔ̈t de piathëpiɔ̈u cï yök në gäm, piathëpiɔ̈u ɣɔn cath kekë yen ɣɔn ŋoot en ke kënë cueel. Ago aa wun kɔc gäm kedhie, acakaa të kënë ke cueel, ke piathëpiɔ̈u bï tɔ ye këden ayadäŋ.

Romai 4:13

Luɛl cï ye kɔn lueel, an, bï aa raan bï piny lɔ̈ɔ̈k lak, aacï bɔ̈ tëde Abraɣam ayï käude në löŋ, aa bɔ̈ në piathëpiɔ̈u cï yök në gäm.

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Ɣeberuu 11:1

Gäm de yic aŋäth ë tiët ë kë bï rɔt dhil looi, ku nɔ̈m de kë kën ë kɔn tïŋ aye yic.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

Ɣeberuu 8:5

Kek ë bänykë, ayek luui tëɣeric, paany cït kë nu paannhial, yen atïm de paany yic nu paannhial. Ɣɔn kɔɔr ë Mothe an bï ɣöt yïk, acï Nhialic lɛ̈k en an, “Woi ku looi këriëëc ëbɛ̈n ke thɔ̈ŋë guöp kë wään nyuthë yïn në kuurdït ë Thinai nɔm.”

1 Pet 3:20

Wëi ke kɔc ee löŋ rɛɛc piŋ ɣɔn thɛɛr, ɣɔn tiit ë liɛɛr ë Nhialic piɔ̈u kɔc ɣɔn nu Nowa, të ɣɔn looiyë abëldït, abël ɣɔn cï kɔc liaakäŋ kony wëi thïn, kɔc kabɛ̈t, në pïïu.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

2 Pet 2:5

Ku të kën en piny thɛɛr pɔ̈l, ee Nowa raan ee jam de piathëpiɔ̈u guiir, en ë both e tök kekë kɔc kɔ̈k kadhorou, ɣɔn bïï en amool ë piny de kɔc reec Nhialic nɔm.

2 Pet 3:6

ku ee pïïukë kek aa riäk piny ë nu ɣɔn në mol cï en mol ë pïïu.