Ɣeberuu 11:17 - JAM DE NHIALIC 2011

¹⁷ Aa ye gäm de yic aŋäth, yen aa gɛm Abraɣam wëndɛn Yithaak ke ye miɔ̈c nɛ̈k Nhialic në thëm ë them En en.

Ɣeberuu 11:17 ပူးပေါင်းရင်းမြစ်များ

Cäk 22:16

lueel an, “Acï Bɛ̈nydït lueel an, Yɛn ë kuëëŋ në rinkï yatök në luɔi kën yïn Ɛn pɛ̈n wënduön töŋë.

2 Lëk 32:31

Ayï ɣɔn bïï tuuc wään bɔ̈ ë Babilon bɛ̈n, bïk kë de gäi cï tuöl pinyden bɛ̈n kɔɔric, go Nhialic Ɣedhekia gäm nɔm riɛl, bï cath ë kueerde, ago täude them.

Kɛ̈ŋ 17:3

Bɛ̈nydït ee kɔc them piɔ̈ɔ̈th, cït man ye adhääp kekë ateek them në mac.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Ɣeberuu 11:13

Ku kek ë kɔckë aake ŋoot ë gämic, gäm de yic aŋäth ɣɔn thou kek. Cakaa nɔn kën kek kë cï kɔn lɛ̈k keek yök, ke keek amitkï piɔ̈ɔ̈th në luɔi ëye kek ee kakë tïŋ tëmec në nyin ë gäm. Ku gamkï luɔi ë ye kek kamaan lɛɛn ë këny ee pinyë nɔm.

Ɣeberuu 7:6

Cakaa nɔn cïï Melkidhedek bɔ̈ bei ë dhiën ë Lebai yic, ka cï Abraɣam guɔ gäm töŋ thiëër ë kake. Ku jɔ Abraɣam thieei cït man cï Nhialic E kɔn lɛ̈k Abraɣam an, Yïn bä thieei.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

1 Pet 4:12

Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.