Ɣeberuu 11:12 - JAM DE NHIALIC 2011

¹² Ku ëtɛ̈ɛ̈n në mony tökic, Abraɣam, ke cït kë cï thou në biäk ë cïn en riɛl bï yen mïth yök, acïï mïth juëc bɛ̈n bei në yeguöp, mïth cït ë kuënden kuɛl nhial ku cïtkï liɛɛt ë wɛ̈ɛ̈r yɔu cïï lëu në kuɛ̈n.

Ɣeberuu 11:12 ပူးပေါင်းရင်းမြစ်များ

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 32:12

Ku acï lueel ɣɔn Bɛ̈nydït an, “Yïn bä caath apiɛth, ku yïn bä gäm mïth juëc aläl, mïth cït liɛɛt ë wɛ̈ɛ̈r yɔu, mïth cïn raan duëër ke lëu në kuɛ̈n.”

2 Tham 17:11

Täŋdï ee luɔi bï yïn kɔc ke Yithriɛl määt yiic, gɔl ë Dan lee Biirceba. Abï dɛ kɔc juëc cït liɛɛt ë wɛ̈ɛ̈r yɔu, ku yïn guöp jɔ tɔŋ wat.

1 Mel 4:20

Kɔc ke Juda ku Yithriɛl aake cï juëc abïk ciët liɛɛt ë wɛ̈ɛ̈r yɔu, aake ye cam ku dëkkï ku mitkï piɔ̈ɔ̈th.

1 Lëk 27:23

Melik Debid akën kɔc gɔ̈ɔ̈r, kɔc ŋoot ë runken ke ke kën run kathiërrou cuööp, në biäk cïï Bɛ̈nydït gutguut lueel, an bïï kɔc ke Yithriɛl tɔ juëc, abïk ciët kuɛl nhial.

Neɣe 9:23

Acï ke gäm mïth juëc cït kuɛl nhial ku tɔ ke pec piny ku rëërkï thïn, në thön ɣɔn cïï Yïn e thɔ̈n kuarken nɔn bï Yïn ke gäm piny.

Bɛ̈n 32:13

Tak lïïmku, yï Abraɣam kekë Yithaak, ku Jakop. Tak kuëëŋ wään thɔ̈në keek nɔn bï Yïn ke gäm mïth juëc cït kuɛl nhial, ku gämë ke piny wään cï than ëbɛ̈n nɔn bï yen aa këden ananden.”

Yith 10:22

Cakaa nɔn juëc ë kɔc ke Yithriɛl ënɔɔnë cït liɛɛt ë wɛ̈ɛ̈r yɔu, ee kɔc lik kek abï lɔ bɛ̈n ciëën. Në biäk cïï riääk thiäŋ ke piathëpiɔ̈u täu keek ku arɔ̈ŋ ke keek ë liŋliŋ.

Yith 48:19

Ku kuatdun aduëër juëc abï ciët liɛɛt de kiir yɔu, ku cït käudu nyïïn ke rap cïï lëu në kuɛ̈n, ku aduëër keet tiit apiɛth, abïï ciën kë bï ke riɔ̈ɔ̈k.”

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Ɣabakuk 1:9

“Ayek bɛ̈n thïn kedhie në akuöörkuöör. Ku dɔmkï piny, ku kɔc cïk peec ajuëckï cït liɛɛt.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Nyöŋ 1:10

Në luɔɔi cïï Bɛ̈nydït Nhialicdun week tɔ juëc, ku wek cï juëc ka wek cï ciët kuɛl nu nhial.

Nyöŋ 28:62

Cak aa wek ë cï juëc abäk ciët kuɛl nu nhial, ee kɔc liaakäŋ tei kek abï pïïr ë weyiic, në biäk kën wek Bɛ̈nydït Nhialicdun riëëu.

Jocua 11:4

Agokï guëër në kɔckɛn ke tɔŋ, kɔc juëc aläl cït liɛɛt de wɛ̈ɛ̈r yɔu. Ku de nïïm Jöŋgöör juëc aläl, ayï abëël ke tɔŋ juëc aya.

Nyuuth 20:8

ku abï lɔ biic le juöör math juöör nu ë piny biäk ee yic ŋuan, Gok ku Magɔk, le ke kut nïïm në këde tɔŋ: kɔc cït ë kuënden liɛɛt ë abäpdit.

Bäny 7:12

Na wën, go kɔc ke Midian, ku kɔc ke Amalek, ku kɔc rɛ̈ɛ̈r ë biäk të lɔ aköl amiäk bɛ̈n piɔ̈ɔ̈t në wakic cït lönydïït ë kɔyɔm ku keek adekï thɔ̈rɔ̈ɔ̈l juëc cïï lëu në kuɛ̈n, thɔ̈rɔ̈ɔ̈l cït liɛɛt ë wɛ̈ɛ̈r yɔu.

1 Tham 12:5

Ago Thamwɛl lɛ̈k keek an, “Bɛ̈nydït, ku jɔ aa melik cï lɔc ayï kɔc daai ee köölë acïk a yök ke ya cïn kë cä wööc.” Agokï gam an, “Ɣɛɛ, Bɛ̈nydït ee cäätɔ tëde wook, në jamdun.”