Ɣeberuu 10:39 - JAM DE NHIALIC 2011

³⁹ Wook ënɔɔnë, wok cie kɔc ee röt dak ciëën wën ee röt lɔ ɣääl ë riääkic, wok ee kɔc ke gäm wën ee röt lɛɛr ë kuɔɔnyic.

Ɣeberuu 10:39 ပူးပေါင်းရင်းမြစ်များ

Diɛt 44:18

Wok kën jamdu kɔn jäi, ku kueerdu akënku kɔn rɛɛcic.

Kɛ̈ŋ 1:32

Kɔc piɔl piɔ̈ɔ̈th ayek thou në baŋ ye kek pɛlënɔm rɛɛc. Ku dhän aye dhääl ye kek käŋ dhɔ̈liic ke riɔ̈ɔ̈k.

Kɛ̈ŋ 14:14

Raan ee käŋ muk në ye adöl ee kuɛth në ariöp de luɔide, ku kueth raan piɛth në luɔide.

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Luk 11:26

Go lɔ, ku cɔl jɔɔk rac kɔ̈k kadhorou jɔɔk wär en ë rac, gokï bɛ̈n, ku lek ɣöt, ku jɔ ɣap thïn, ago täu de raanë täudɛn ciëën go rac awär täudɛn thɛɛr.”

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

1 Theth 5:9

Nhialic akën wo dɔm në këde agɔ̈th, ee luɔi bï wo kunydewëi yök, en aa dɔm en wook në Bɛ̈nydït Yecu Kërtho,

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

1 Tim 6:9

Ku kɔc kɔɔr luɔi bï kaken juëc ayek lööny ë thëmic, ku löönykï ë bɔi yic, ku ye ŋɔ̈ɔ̈ŋ ke dɔm ŋɔ̈ɔ̈ŋ ë kajuëc ɣäär yiic, kak ee kërac bɛ̈ɛ̈i, ku yek kɔc thɛl ë riääkic tɔkï ke mär ë taiwei.

Ɣeberuu 10:26

Të looi wok kërac në reec reec wok En adɛɛi wok, ke wo cï ŋïny de yic kɔn yök, ka cïn kë cï bɛ döŋ, kë näk bïï ë karɛckuɔ nyaai.

Ɣeberuu 10:38

Kɔckiën cï tɔ ye kɔc piɛthpiɔ̈ɔ̈th në gäm, abïk pïïr në gäm. Ku kɔc lɔ dɔk ciëën Yɛn cïï piɔ̈u bï miɛt wo keek.”

Ɣeberuu 11:1

Gäm de yic aŋäth ë tiët ë kë bï rɔt dhil looi, ku nɔ̈m de kë kën ë kɔn tïŋ aye yic.

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.

1 Jɔn 5:5

Ku eeŋa raan ë piny tiaam? Cie yen raan cï Yecu gam, an, ee Wën ë Nhialic?

Nyuuth 17:11

Ku lɛ̈n rɛɛcë ë nu, ku cïï nu, yen aye bɛ̈tden, ku ye töŋ de dhorou yiic, ku alɔ määr ëtaiwei.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

1 Tham 15:11

“Yɛn cï rɔt gɔ̈k në baŋ cän Thaulo tɔ ye melik, në baŋ cïï yen rɔt yal wei, ku cïï lööŋkiën cä lɛ̈k en döt.” Go Thamwɛl piɔ̈u jiɛth ago ruu ke läŋ Bɛ̈nydït ee wɛ̈ɛ̈rë yic ëbɛ̈n.