Ɣeberuu 10:32 - JAM DE NHIALIC 2011

³² Duökï nïïm mär anandun në akööl cï tëëk, akööl wään bïï ë ɣɛɛr de gäm cä wek Kërtho gam, wek aa cï kajuëc guum, ku ateer tuc thook akënkï we tiaam.

Ɣeberuu 10:32 ပူးပေါင်းရင်းမြစ်များ

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Pilipoi 3:16

ku ënɔɔnë, të cï wo guɔ ɣet thïn, jɔku cath ë kueer töŋë, ku luelku jam töŋë.

Kolothai 2:1

Ku yɛn kɔɔr luɔi bä wek e ŋic biök dïït aa yɛn biök në biäkdun, ku në biäk de kɔc nu Laodikia, ku në biäk de kɔc kɔ̈k kedhie kɔc kën a tïŋ nyin ë guöpic.

Ɣeberuu 12:4

Acïn raan cï we guɔ lɛ̈u riɛm, në wït wiët wek në kërac.

Ɣeberuu 5:12

Adï cäk aa bäny ee kɔc wɛ̈ɛ̈t, ku ënɔɔnë, wek ŋoot ke we kɔɔr raan be week gɔl në wëët ë ka tueŋ ye ke wëët ë yith ke Nhialic gɔl. Wek cït röördït cï röt dɔ̈k ca, ku pälkï kuïn ril kɔ̈u!

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Ɣeberuu 6:4

Duëër kɔc cï lɔ ciëën bɛ dak nïïm ë puŋëpiɔ̈uwic adï! Të cï kek kɔn nu ë ɣɛɛric ku thiëpkï miɔ̈c ë bɔ̈ nhial, ku rɔmkï Wëidït ɣer ë wook ëtök,

2 Jɔn 1:8

Yak röt tiit, ke wo cïï ka cuk looi bï mɔ̈ɔ̈r, ke wo bï ariöp yök ëbɛ̈n acïn kë liu.

Nyuuth 2:5

Tak yïnɔm ë të wään lööny yïn thïn, ku puk yïpiɔ̈u, bä luɔi tueŋ wään looi, be, an, cïï e loi, ke yɛn bï dap bɛ̈n tëde yïn, bä ku nyaai manyalath tëde, të kën yïn yïpiɔ̈u puk.

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.