Ɣeberuu 10:29 - JAM DE NHIALIC 2011

²⁹ Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Ɣeberuu 10:29 ပူးပေါင်းရင်းမြစ်များ

2 Mel 9:33

Go Jeɣu lɛ̈k keek an, “Cuɛ̈tkï piny!” Gokï cuat piny, go biäk de riɛmde kuëër në päny de ɣöt kɔ̈u ku jöŋgöör gup. Ku jɔ jöŋgör de Jeɣu ku abëëlkɛn ke tɔŋ aa tëëk në yekɔ̈u,

Diɛt 143:10

Yïn e Nhialicdï, piööcë yɛn bä këde piɔ̈ndu looi. Bä piath we yɛn, ku caathë yɛn ë kueer piɛth yic.

Diɛt 91:13

Kɔ̈ɔ̈r ku karɛc abä keek aa dumiic, kɔ̈ɔ̈r cï wäth, ku karɛc de thook wurïï.

Bɛ̈n 24:8

Na wën, ke Mothe ë nöm riɛm nu në abïïny yiic, ku wïïth ë kɔc gup. Ku lueel an, “Kënë ee riɛm de löŋ cï Bɛ̈nydït mac ke week cït man ë lööŋke kedhie.”

Yith 14:19

ku yïn cïn nɔm raŋ, guöpdu ë cuat wei cï mɛnh athɔ̈ɔ̈r bei, acï kum në gup ke rem de tɔŋ cï keek nɔ̈k tɔŋ, go cuat ë pul ë kuuric në keek ëtök, ku jɔ ke dumiic.

Yith 28:3

Lɛc de bäny ee wiɛɛtë abïï duöm piny ë kɔc cök.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Jeremia 1:5

“Yïn aa lac ke yï kɛ̈n kɔn gäm wëi, yïn aa thiɛɛi, ke yï kënë kɔn dhiëëth, yïn aa mɛɛk ke yï bï ya tiët de juöör ëbɛ̈n.”

Dhiëëu 1:15

“Bɛ̈nydït acï kɔckiën ril kë tɔŋ rɛɛc kedhie. Ku tooc amatnɔm bïï dhuökï riɔ̈ɔ̈k. Acïk kɔckï dhuɔŋ piny cït man ye raan mɔ̈n de enap dhiim tëde dhiɛ̈m.

Edhekiɛl 16:6

“Na wën aa tɛ̈ɛ̈k ke yï tiëŋ ke yï nyɔɔŋ rɔt piny në riɛmdu yic. Riɛm aacï yï kum guöp ëbɛ̈n, ku yïn kɛ̈n bɛ̈n päl thuɔɔu.

Danyel 8:13

Guɔ tunynhial piŋ röl athiëc tunynhial däŋ an, “Agut cï nɛn yen bïï ee kakë, ka wën cï tïŋ ë nyuuth yic ŋoot ke ke lɔ tueŋ? Agut cï nɛn yen bïï kërɛɛcdïïtë tɔ̈u ë nyin de miɔ̈c ye nɔ̈k ë ceŋ yic? Agut cï nɛn yen bïï ë rem ë paannhial kekë tëɣeric ŋoot ke ke dum yiic?

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Math 7:6

“Këpiɛth ɣeric duökï ee yiɛ̈n jɔ̈k, ayï waŋguurkuön tuc ë ɣööcden duökï keek ë cuat kudhuur nïïm, ke ke cïï ke bï dum ë kecök, agokï kenïïm bɛ puk, guutkï week.

Mak 7:2

Ku acïk kɔc kɔ̈k ë kɔckɛn ë piööcë tïŋ ke ke ye kuïn cam ë ke rac cin, yen aye cin kënë piny.

Luk 12:10

“Ku raan ëbɛ̈n raan ë Wën ë Raan lɛ̈k jam rac, ka duëërë päl en, ku raan ë Wëidït ɣer läät acïï duëërë pɔ̈l.

Jɔn 10:36

Na raan cïï Nhialic tɔ ɣer piɔ̈u, ago tuɔɔc ë piny nɔm, bäk yɔ̈ɔ̈k an, “Yïn ë Nhialic lat, në luɛ̈l cän e lueel an, Yɛn ee Wën ë Nhialic?

Jɔn 17:19

Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

1 Kor 11:27

Yen raan ëbɛ̈n raan ee kuïnë kuöc cam, ku kuc dëk ee bïny ë Bɛ̈nydïïtë, ka ye yeyeth dɛ̈ɛ̈r guöp de Bɛ̈nydït ayï riɛmde.

1 Kor 11:29

Ku raan ee kuöc cam ku kuc dek, ka ye rɔt cäm jäny bï e jɔ̈ɔ̈ny ku dëk rɔt jäny, në kuny kuc en guöp de Bɛ̈nydït nɔn nu yen thïn.

1 Kor 15:25

Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny.

1 Kor 15:27

Ë këriëëc tääu ë yecök yiic piny. Ku të lueel en en an, “Cï këriëëc tääu ë yecök yiic piny.” Ku cöökë abï dhil ŋic an, Raan ë tɛ̈ɛ̈u käŋ ë yecök yiic piny akënë mat thïn.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 2:11

Ku Yecu, Raan ee kɔc tɔ ɣeriic, kekë kɔckɛn cï tɔ piɛthpiɔ̈ɔ̈th Wunden ee tök, yen acïï Yen ee yäär bï keek ya cɔl mïthëkɔcken.

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

Ɣeberuu 6:4

Duëër kɔc cï lɔ ciëën bɛ dak nïïm ë puŋëpiɔ̈uwic adï! Të cï kek kɔn nu ë ɣɛɛric ku thiëpkï miɔ̈c ë bɔ̈ nhial, ku rɔmkï Wëidït ɣer ë wook ëtök,

Ɣeberuu 6:6

Kɔckë të cï kek dɔk ciëën në gämic, arilic bïk ke bɛ puk piɔ̈ɔ̈th, ku dɔ̈kden ciëën acït ka cï Wën de Nhialic bɛ nyɔk ë piëët, ku tɔkï yäär guöp ë kɔc nïïm.

Ɣeberuu 9:13

Rim ke bɔɔth ku miöör ku lɔ ŋenh ë dan cï nyop, ye pɔɔr ë kɔc gup, kɔc cï wook në kacol, ago ke tɔ piɛth gup biic yen kueer ë löŋ thɛɛr ka.

Ɣeberuu 9:20

Ago lɛ̈k kɔc an, “Riɛm de löŋ kï, löŋ cï Nhialic mac ke week në riëëu bä wek ke riëëu.”

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,