Ɣeberuu 10:28 - JAM DE NHIALIC 2011

²⁸ Raan cï löŋ de Mothe dhoŋ kɔ̈u ke ŋic kɔc kaarou ku nɔn ye kek diäk nu thïn, aye nɔ̈k të cïn kok de piɔ̈u.

Ɣeberuu 10:28 ပူးပေါင်းရင်းမြစ်များ

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 12:9

Eeŋö ee yïn jam de Bɛ̈nydït biɔɔn, abä kërac looi ë yenyin? Yïn cï Yuria raan ë Ɣit nɔ̈k në abätäu, ku nöm tiiŋde bïï aa këdu, ku acï tɔ lɔ näk në abätäu de kɔc ke Ammon!

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Kuɛ̈n 15:36

Go akutnɔm de kɔc ke wut ye lɛɛr ë wut këc ku biöökë abï thou, cït man cïï Bɛ̈nydït ë lɛ̈k Mothe.

Math 18:16

Ku të reec en yï piŋ thok, ke yï lɔ wekë raan tök ayï kɔc kaarou, ago jam lɔ gɔk ëbɛ̈n ë cäätɔɔ kaarou ayï diäk.

Jɔn 8:17

Ku acï gɔ̈ɔ̈r ë löŋdunic aya an, kë lueel cäätɔɔ kaarou, yen aye yic.

Romai 9:15

Ku acï lɛ̈k Mothe an, “Yɛn bï piɔ̈u kok wokë raan cä tak an, bä piɔ̈u kok wo yen, ku bä a piɔ̈u wɛ̈l raan cä tak an, bä yapiɔ̈u wɛ̈l en.”

2 Kor 13:1

Yɛn ë cök aa rou, ku diëŋden kï, bän jɔ bɛ̈n tëde wek. “Në thook ke cäätɔɔ kaarou ayï diäk abï jam lɔ kimpiny ëbɛ̈n.”

Nyöŋ 19:13

Duökï nyuth kok de piɔ̈u. Nyaaikï raan ee raan cïn guöp awäc nɔ̈k në Yithriɛl, ago käŋ ëbɛ̈n tɔ̈u apiɛth tëde week.

Nyöŋ 19:15

“Cäätɔ tök acïï duëër röŋ ke luɔi duëër ë raan tɔ gäk në kë cï wööc, ee cäätɔ kaarou tei ku nɔn ee diäk kek duëër ye nyuɔɔth nɔn cïï raan wäc.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 2:2

Ku na cï jam ɣɔn lëk ë tuucnhial kuarkuɔ jɔ aa yic, ku le dɛ raan kën yen kuany cök, ku nɔn kën en en gam, abï luöi këtuc thok rɔ̈ŋ ke awänyde.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.