Ɣeberuu 10:24 - JAM DE NHIALIC 2011

²⁴ Thɛmkï ŋɛk ëye ŋɛk riit piɔ̈u, yak rɔm ëtök yok nhiëërda nyuɔɔth ku luɔi piɛth.

Ɣeberuu 10:24 ပူးပေါင်းရင်းမြစ်များ

Diɛt 41:1

Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

Kɛ̈ŋ 29:7

Raan piɛth piɔ̈u aŋic yiny de kɔc kuanynyïïn, ku kɔc ee karɛc looi acïkï ee yökic.

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Romai 11:4

Ku bëër bëërë Nhialic en ë luel ŋö? “An, Yɛn ë rɔt bɔ̈th aguum kadhorou de röör kɔc kën kemiɔl tuk ë Baal nɔm.”

Romai 12:15

Yak piɔ̈ɔ̈th miɛt ëtök në kɔc mit piɔ̈ɔ̈th, yak dhiau ëtök në kɔc dhiau.

1 Kor 10:33

acït man ë yɛn, yɛn ee kɔc tɔ mit piɔ̈ɔ̈th në këriëëcic ëbɛ̈n, yɛn cïï piathdï ee kɔɔr, ee piath de kɔc juëc en aa ya kɔɔr, luɔi bï ke kony wëi.

1 Kor 9:22

Tëde kɔc kɔ̈c, yɛn ë cï ciët raan kɔ̈c, luɔi bän kɔc kɔ̈c dɔm: yɛn cï tɔ ye käŋ kedhie tëde kɔc kedhie, luɔi bän kɔc kɔ̈k kony në këriëëc cä looi.

2 Kor 8:8

Acie luɔi dhiɛl wek e loi en luɛɛl, ee biäk de lɛ̈th ë kɔc kɔ̈k yiic en a luɛɛl ɛn en, ku ee thëm thɛn ɛn nhiëërdun ayadäŋ nɔn ee yen yic.

2 Kor 9:2

Yɛn ŋic thök cä wek thök ë guiɛɛk, en a lɛɛc ɛn rɔt në këdun ë kɔc ke Makedonia nïïm an, “Cï Akaya guɔ thök ë guiɛɛk run wään,” ku lɛ̈th ë weyiic acï kɔc juëc aläl tɔ lëth yiic ayadäŋ.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Galatai 6:1

Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 5:11

Yen aa wek wepiɔ̈ɔ̈th muk wapäc, ku yak röt kueet wapäc, acït man aa wek e looi ayadäŋ.

2 Theth 3:9

Ku acie ciën cïn wok riɛl, ee luɔi bï wo röt tɔ ye kɔc bäk aa woi aguɔkï täuda dɔmic.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

Tito 2:4

ku bïk diëër kor aa wɛ̈ɛ̈t ke ke bï röörken nhiaar, ku nhiaarkï mïthken,

Tito 3:8

Ee jam yic ee kënë. Ku yɛn de piɔ̈u luɔi bï yïn kakë aa ŋak nïïm arëët, ke kɔc cï Nhialic gam ke ke bï röt tiit apiɛth, agokï aa cool ë loi luɔi piɛth. Kakë apiɛthkï ku adekï naamden tëde kɔc.

Ɣeberuu 13:1

Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

Ɣeberuu 13:3

Yak diɛɛr anandun në kɔc mac cït man ë ka mac në keek ëtök.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

1 Jɔn 3:18

Wek mïththiaakäŋ, duökï kɔc ë nhiaar në jam tei, ku në liep tei, yok kɔc nhiaar në luɔi ku në yic.