Ɣeberuu 10:20 - JAM DE NHIALIC 2011

²⁰ Ee kueer ë pïïr cï piac gɔl yen aa liëpë thok wook, ku ɣeet wook në Nhialic lɔ̈ɔ̈m në thon cï Yen thou guöpde.

Ɣeberuu 10:20 ပူးပေါင်းရင်းမြစ်များ

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Lebai 21:23

Ku në biäk de tëdak në yeguöp, acïï bï dhil lɔ në gëlgël lɔ̈ɔ̈m ayï yïïŋdï lɔ̈ɔ̈m aya, ago ɣäänkiën ɣeriic cuö riɔ̈k. Ee Yɛn Bɛ̈nydït, raan ë tɔ keek ɣeriic.”

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,

Mak 15:38

Ku lupɔ dïït nu ë Luaŋdït yic acï yic rɛɛt ë rou gɔl nhial ɣeet piny.

Jɔn 10:7

Go Yecu ke bɛ yɔ̈ɔ̈k an, “Wek yɔ̈ɔ̈k ëyic an, Yɛn ee agäu thok, agäu ë thök.

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Epethiei 2:15

Në nyiɛɛi cï ater nyaai në rïŋ de yenguöp, ater ë lööŋ de yiic cök bï kɔc aa piŋ, ku ka bï kɔc aa looi, bï raan töŋ cï piac looi cak në guöpde yic, cak në keek kaarou, ago ke määt aya:

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

Ɣeberuu 9:3

Ɣön ee kek rou nu ë paany kɔ̈u ciëën, acɔl Tëɣeric aläl.

Ɣeberuu 9:8

Ku në kakë yiic kedhie, acïï Wëidït ɣer nyuöth wook në këde kueer lɔ Tëɣeric aläl nu paannhial an, aa kënë guɔ liëp thok wook, në biäk ŋoot ë paany ye Nhialic lam në kueer ë löŋ thɛɛr ke kääc.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 4:2

Ŋïny ŋiɛc wek Wëidït ke Nhialic kï: an, wëi ëbɛ̈n wëi ee gam nɔn cï Yecu Kërtho bɛ̈n ke ye raan guöp, ka ye kë bɔ̈ tëde Nhialic.

2 Jɔn 1:7

Kɔc juëc ee kɔc math acïk bɛ̈n cath ë piny nɔm, kɔc reec Yecu Kërtho gam nɔn ë bïï yen ke ye raan guöp. Raan ee kɔc math kï, ku ye raan man Kërtho.