Ɣeberuu 10:14 - JAM DE NHIALIC 2011

¹⁴ Näŋ töŋdɛn cï Yen rɔt tɔ näk, ë kɔc tɔ piɛthpiɔ̈ɔ̈th aɣet athɛɛr, kɔc cï päl karɛcken.

Ɣeberuu 10:14 ပူးပေါင်းရင်းမြစ်များ

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Luɔi 26:13

na wën, akääc akɔ̈l cil, yïn melik, ke ya tïŋ këɣer kueer, këɣeer bɔ̈ nhial, ke wär akɔ̈l ë riau, ku jɔ piny riaau ë yalɔ̈ɔ̈m, ayï kɔc lɔ̈m kɔc ciɛth wok.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Ɣeberuu 10:1

Läm ye Judai lam në kueer ë löŋ thɛɛr, acie läm de yic yic, yen, aa tïm de kapiɛth bï Kërtho bɛ̈ɛ̈i, kɔc ee Nhialic lɔ̈ŋ në kueer ë ka ye nɔ̈k në ruöön thok ëbɛ̈n, acïï ke bï kɔn ɣɛɛt të bï kek piɔ̈ɔ̈th dikëdik.

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 10:12

Ku Kërtho ë rɔt gam ke ye miɔ̈c lɔgɔk näk në biäk de karɛckuɔ. Ku ënɔɔnthiinë, arɛ̈ɛ̈r ë ciin cuëny ë Nhialic aɣet athɛɛr.

Ɣeberuu 13:12

Ye ka cïï Yecu gum abï thou aya, në wut këc biic, ago kɔc tɔ ɣer piɔ̈ɔ̈th në wɛ̈k wɛɛk en karɛc në riɛmdɛn cï kuëër.

Ɣeberuu 2:11

Ku Yecu, Raan ee kɔc tɔ ɣeriic, kekë kɔckɛn cï tɔ piɛthpiɔ̈ɔ̈th Wunden ee tök, yen acïï Yen ee yäär bï keek ya cɔl mïthëkɔcken.

Ɣeberuu 7:19

Löŋ akën kɔc wään ee Nhialic lɔ̈ŋ në ee kueerë ɣɛɛt të duëër kek dikëdik. Go Nhialic kueer däŋ bï wok thiɔ̈k në Yen looi, a gëm wook aŋäth ŋuän.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic: