Ɣeberuu 10:1 - JAM DE NHIALIC 2011

¹ Läm ye Judai lam në kueer ë löŋ thɛɛr, acie läm de yic yic, yen, aa tïm de kapiɛth bï Kërtho bɛ̈ɛ̈i, kɔc ee Nhialic lɔ̈ŋ në kueer ë ka ye nɔ̈k në ruöön thok ëbɛ̈n, acïï ke bï kɔn ɣɛɛt të bï kek piɔ̈ɔ̈th dikëdik.

Ɣeberuu 10:1 ပူးပေါင်းရင်းမြစ်များ

Lebai 9:16

Ago miɔ̈c ye nyop ëbɛ̈n bɛ̈ɛ̈i, ku gɛm në kueer ye ë yen looi, cït man cïï Bɛ̈nydït ye lueel.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Kolothai 2:17

Kakë ayek atiëp de ka bï bɛ̈n, ku guöp ee këde Kërtho.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 7:11

Na cakaa nɔn cï löŋ ë Mothe e lueel an bï bɛ̈ɛ̈ny ë kake Nhialic ëbɛ̈n aa kuany dhiën ë Lebai, ke bäny ë kake Nhialic akënkï ɣet të duëër kek kɔc tɔ lɔgɔk, kɔc ee Nhialic lɔ̈ŋ në ee kueerë. Ku na cie yen, ke adï kën bɛ̈ɛ̈ny ke kake Nhialic cït bɛ̈ɛ̈ny ë Melkidhedek bɛ kɔɔr ku pɛ̈l bɛ̈ɛ̈ny de Aron.

Ɣeberuu 8:5

Kek ë bänykë, ayek luui tëɣeric, paany cït kë nu paannhial, yen atïm de paany yic nu paannhial. Ɣɔn kɔɔr ë Mothe an bï ɣöt yïk, acï Nhialic lɛ̈k en an, “Woi ku looi këriëëc ëbɛ̈n ke thɔ̈ŋë guöp kë wään nyuthë yïn në kuurdït ë Thinai nɔm.”

Ɣeberuu 9:11

Ku ënɔɔnë Kërtho acï bɛ̈n ke ye Bɛ̈nydïït ë kake Nhialic, kapiɛth nu eenë, yï thon cï Yen thou ku pɛ̈l wook karɛckuɔ, ku paanydïït Yen luui thïn ee dikëdik aläl, acie paany ë yïk ë raan, ee tëɣeric nu paannhial.

Ɣeberuu 9:23

Kakë aake ye nyooth de ka yith nu paannhial, ku ayek kaken tɔ ɣeriic në ye kueerë. Ku na kake paannhial kapäc akɔɔrkï ka gɛmë ka näk ŋuän awär këden.

Ɣeberuu 9:25

Bɛ̈nydïït ë kake Nhialic de Judai ee lɔ tëɣeric në ruöön thok ëbɛ̈n ke muk rim ke thök, ku Kërtho akën lɔ paannhial ku gɛm rɔt raanjuëc cït man ë kek.