Ɣeberuu 1:6 - JAM DE NHIALIC 2011

⁶ Ɣɔn tuuc ë Nhialic wën kɛ̈ide ë piny nɔm, ke jɔ lueel an, “Ë lɛm ë tuucnhial kedhie.”

Ɣeberuu 1:6 ပူးပေါင်းရင်းမြစ်များ

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Math 24:14

Ku wëlpiɛthkë wël ke Ciɛɛŋ abï ke guiëër kɔc ke piny nɔm ëbɛ̈n, agokï aa cäätɔɔ ë juöör nïïm kedhie, ku jɔ thök de käŋ bɛ̈n.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”

Kolothai 1:15

Yen acït guöp Nhialic Raan cïï duëërë tïŋ, ku ye kɛ̈ɛ̈i ë ka cï cak ëbɛ̈n.

Kolothai 1:18

Ku yen aye nɔm de guöp, guöp cɔl ɣön ë Nhialic, yen aye gölë käŋ, ee kɛ̈ɛ̈i ë kɔc cï thou yiic, luɔi bï en nu tueŋ ë këriëëc ëbɛ̈n.

Ɣeberuu 1:5

Acïn tunynhial töŋ cïï Nhialic kɔn yɔ̈ɔ̈k an, “Yïn ee Wëndï, ee köölë Yɛn cï ya Wuur.” Ku akën kɔn lueel aya an, “Yɛn bï ya Wun, Ku Yen abï ya Wëndï.”

Ɣeberuu 10:5

Yen aa lueel ë Kërtho en, ɣɔn bïï Yen ë piny nɔm, go lɛ̈k Nhialic an, “Ka gɛmë ka näk acie kek kɔɔr, ku yen, ee guöp yen aa gämë Yɛn bän aa raan bï ya miɔ̈c näk.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.

1 Jɔn 4:9

Ëcöökë yen aa le nhiëër ë Nhialic dhek tëde wook, tuöc cï Nhialic Wëndɛn töŋ cï dhiëëth tuööc ë piny nɔm, luɔi bï wo pïïr në yen.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,