Ɣeberuu 1:14 - JAM DE NHIALIC 2011

¹⁴ Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

Ɣeberuu 1:14 ပူးပေါင်းရင်းမြစ်များ

Cäk 32:24

Ku döŋ yetök. Ago raan lɔ̈ɔ̈k bɛ̈n ku wït ke yen, abï piny thiɔ̈k ke ruu.

1 Mel 22:19

Go Mikaya ŋoot ke jam an, “Ënɔɔnë piɛŋkï kë lueel ë Bɛ̈nydït! Yɛn cï Bɛ̈nydït tïŋ ke rɛ̈ɛ̈r ë thöönyde nɔm paannhial, kekë tuucnhialke ke ke rɛ̈ɛ̈r ë yelɔ̈ɔ̈m

Jop 1:6

Na ɣɔn, ë kööl tök, ke wɛ̈ɛ̈t ke Nhialic ë ke bɔ̈ në Bɛ̈nydït nɔm, bï bɛ̈n ë Bɛ̈nydït nɔm, Catan ku nu jɔŋdït rac ke keek aya.

Diɛt 104:4

Yïn ee yom tɔ ye tuucku, ku tɔ biöl ë wilëdeŋ ee awuutku.

Diɛt 34:7

tunynhial ë Bɛ̈nydït ee kɔc ee Nhialic riëëu gɛɛu cil, ku kony keek në kë dhal keek.

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Danyel 6:22

Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Math 1:20

Ku të ŋoot en ke ciët ee kakë ë yepiɔ̈u, dï, ke tunynhial ë Bɛ̈nydït tul tëde yen ke ee nyuöth, lueel an, “Jothep, wën ë Debid, du riɔ̈c ë luɔi bï yïn Meri nööm bï aa tiiŋdu, kë cï yök ë yeyäc ee Wëidït ɣer kek aa dhiëth en.

Math 13:41

Wën ë Raan abï tuuckɛn nhial tooc, ku abïk käŋ kuɛ̈ny bei ë ciɛɛŋdeyic kedhie ka ye kɔc tɔ loi kërac ayï kɔc ë kërac looi.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 2:13

Na wën, aa cïk jäl dï, ke tunynhial ë Bɛ̈nydït tul tëde Jothep ke ye nyuöth, lueel an, “Jɔt rɔt, nöm mɛnhthiinë kekë man, kɔt lɔ paan ë Rip, ku tɔ̈uwë ëtɛ̈ɛ̈n aɣet të bän yï yiɛ̈n thok, Ɣerod abï mɛnhthiinë kɔɔr luɔi bï en e nɔ̈k.”

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 4:11

Go jɔŋdït rac pɔ̈l, ku jɔ tuucnhial bɛ̈n bïk bɛ̈n kony.

Mak 10:17

Na wën, alööny kueer, ke raan tök bɔ̈ ke riŋ, bï ku tuk emiɔl ë yenɔm, ku jɔ thiëëc an, “Bɛ̈ny piɛth ee kɔc wɛ̈ɛ̈t, eeŋö bä looi kë bän pïïr athɛɛr lɔ̈ɔ̈k lak?”

Luk 1:19

Go tunynhial bɛ̈ɛ̈r, yöök an, “Yɛn Gabriɛl kï, yɛn ee kɔ̈ɔ̈c ë Nhialic nɔm, ku yɛn cï tooc bä bɛ̈n jam wo yïn, ku bä wëlpiɛthkë bɛ̈n lɛ̈k yïn.

Luk 1:23

Na wën, aacï kööl ke luɔɔide thök ë Luaŋdïtic, ke jɔ jäl le paanden.

Luk 16:22

Na wën, ke raan kuany nyin thou, ku jɔt ë tuucnhial leerkï ë Abraɣam yɔu. Ku jɔ raan cuai thou aya, go thiɔ̈k,

Luk 2:13

Na wën, ke remdïït ë paannhial ke jɔ tuöl ëthiäu në tunynhial ëtök, ke ke piɔny Nhialic, ku luelkï, an:

Luk 2:9

Na wën, ke tunynhial ë Bɛ̈nydït tul ë kelɔ̈m, ku jɔ dhuëëŋ de Bɛ̈nydït piny riaau ë kekëc: agokï riɔ̈ɔ̈c arëët:

Luɔi 11:22

Na wën, ke jam de ee kënë ke piŋ në ɣön ë Nhialic nu ë Jeruthalem, gokï Baranaba tooc bï ɣet Antiokia.

Luɔi 12:23

Na wën, ee tëthiinë, ke yup tunynhial de Bɛ̈nydït, luɔi kën en Nhialic leec, go käm cam, go thou.

Luɔi 12:7

Na wën, ke tunynhial ë Bɛ̈nydït ke go tuöl ë yelɔ̈ɔ̈m, ku jɔ ɣɛɛr alooc riaauwic: go Petero biɔ̈ɔ̈k lɔ̈ɔ̈m, ku jɔ pɔ̈ɔ̈c an, “Dap rɔt jɔt!” Go joth lööny piny ë yecin.

Luɔi 13:2

Na wën, të looi kek ka ke bɛ̈nydït, ku reeckï cäm, ke ke yöökë Wëidït ɣer an, “Pɔ̈ckï yɛn Baranaba kekë Thaulo në këde luɔi cän ke caal thïn.”

Luɔi 16:26

Na wën, ke piny jɔ rɔt guɔ niɛŋ arëët ëthiäu, abï alooc niɛŋ aɣet e thar. Go thook ke alooc röt liep kedhie ënɔnthiinë, ku ruet joth röt kedhie joth macë kɔc cök.

Luɔi 27:23

Tunynhial aa kääc ë yalɔ̈ɔ̈m wënakɔ̈u, tuny de Nhialic, Nhialic a yɛn lïmde ku ee yen ya lam,

Luɔi 5:19

Na wën, ke tunynhial ë Bɛ̈nydït ke liep alooc thok wakɔ̈u, ku bïï keek biic, yöök keek, an,

Romai 11:14

Nɔn de të bän kɔckiën ke Judai tɔ dɔm tiɛɛl, aguɔ kɔ̈k kony wëi ë keyiic.

Romai 13:6

Ku yen a ya wek athölbö kut aya, ayek kɔc ee ka ke Nhialic looi, kɔc ee cool ë tit luɔi manë guöp.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Romai 15:27

Acïk ke juaar në miɛt ë kekpiɔ̈ɔ̈th, ku anu ë keyiëth luɔi bï kek ke miɔɔc. Ku Juöör, të cï kek aa kɔc röm në keek ëtök në kakɛn ë Wëi, aye guɔ nu ë keyiëth ayadäŋ luɔi bï kek ke kony në ka ke piny.

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

2 Kor 9:12

Luɔi ë kuny ee kɔc röt konyë ee kɔc ɣerpiɔ̈ɔ̈th tɔ kueth aläl në kë dak keek, ku acie yen etök, piath de luɔiyë ee rɔt ŋuak aya, në luɛl ee kɔc e lueel an, thieithieei Nhialic, ëcaŋɣɔn.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

Galatai 3:7

Yen ŋiɛc wek cöökë an, Kɔc ke gäm kek aye mïth ke Abraɣam.

Galatai 3:9

Ago kɔc ke gäm ago ke guɔ thieei në Abraɣam ëtök, raan ŋic gäm.

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Pilipoi 2:25

Acä lueel tei an, bä Epaprodito dhil tuöc week, ee mɛnhkäi, raan luui wok ëtök, ku yok biök ëtök, ku ye tunydun, raan cï a kony në ka cï a dak.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

Tito 3:7

luɔi bï wo tɔ piɛthpiɔ̈ɔ̈th në dhuëëŋ de yenpiɔ̈u, ago wo tɔ ye kɔc bï käŋ lɔ̈ɔ̈k lak në aŋäth ŋɛ̈ɛ̈th wok pïïr athɛɛr.

Ɣeberuu 10:11

Bäny ke kake Nhialic luɔiden akööl nyïïn kedhie, ayek tɔ̈u ke ke näk ka gɛmë ka cïï karɛc duëër kɔn nyaai ananden.

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

Ɣeberuu 6:17

Ku në biäk de kɔc cïï Nhialic ke thɔ̈n miɔ̈c, aye Nhialic kɔɔr bï nyuöth kɔc ëgɔk, luɔi cï Yen kë cï thɔ̈n keek bï waar në gutguut.

Ɣeberuu 8:6

Ënɔɔnë Kërtho acï lɔc bï luui ke ye Bɛ̈ny ë kake Nhialic në kueer ŋuän arëët awär këden. Ku löŋ cï mac yen kɔc määt ë kaam ë Nhialic kekë kɔcke aŋuän arëët awär kë thɛɛr në luɔi kɛ̈ɛ̈c en në aŋäth ŋuän kɔ̈u.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

1 Pet 1:4

ke wo bï këdäŋ lɔ̈ɔ̈k lak, kë cïï bï dhiap, ku cïnic acuɔl, ku cïï bï yom, kë cï tɔ̈ɔ̈u paannhial tïtë week,

1 Pet 3:7

Yen acït rëër bä wek aa rëër në diëërkun ëtök, wek röör, abäk röt ŋic apiɛth, ku yak tik theek, ku yak muk ëmääth, cït man ë töny kɔ̈c, luɔi aa wek kɔc bï dhuëëŋ de pïïr lɔ̈ɔ̈k lak në keek ëtök, ke lɔ̈ŋduön aa wek lɔ̈ŋ ke cïï bï gɔ̈ɔ̈u.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 5:6

Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.