Galatai 6:12 - JAM DE NHIALIC 2011

¹² Kɔc ëbɛ̈n kɔc kɔɔr luɔi bï ë ke ŋic an yek kɔc piɛth ë guöpic, kek adhil week tɔ cuel, ee luɔi cïï ë ke bï yɔŋ tei në biäk de tim cï rïïu nɔm tim de Kërtho.

Galatai 6:12 ပူးပေါင်းရင်းမြစ်များ

Math 23:27

Amawoou në week, wek kɔc ë löŋ gɔ̈ɔ̈r ku Parithai kɔc de yäc aguk! Wek cït rɛ̈ŋ cï coth kɔ̈ɔ̈th ë wɛ̈ɛ̈l ɣer, rɛ̈ŋ cï tɔc kɔ̈ɔ̈th ë ka cï läkëläk biic, ku keyiic acïk thiäŋ ë yom ke kɔc cï thou, kekë kënhiany ëbɛ̈n.

Math 23:28

Ayï week aya, wek ee röt tɔ ye kɔc piɛthpiɔ̈ɔ̈th ë kɔc nïïm ë baŋ biic, ku weyiic thïn, wek ë yäc thiäŋ ë ruëëny kekë reec aa wek löŋ rɛɛc piŋ.

Math 23:5

Ayek luɔiden looi ëbɛ̈n ke ke bï tïŋ ë kɔc, ayek wɛlkɛn yek cieŋ tɔ lääu yiic, ku tɔkï lupɔɔken dït thook.

Math 5:10

Thieithieei ë kɔc ee yɔŋ në baŋ de piathëpiɔ̈u, ciɛɛŋ de paannhial ee këden.

Math 6:16

“Ku cöök däŋ, të ya wek cäm rɛɛc, duökï wenyïïn ë kuaany cït man ë kɔc deyiic aguk, ayek kenyïïn tɔ rac, ë luɔi bï kek aa tïc ë kɔc nïïm nɔn ee kek kɔc reec cäm. Wek yɔ̈ɔ̈k ëyic an, “Acïk ariöpden guɔ yök.

Math 6:2

“Yen ka, të miɔɔc yïn kɔc ë dhuëëŋdu, ke yï du kaaŋ tɔ koth ë yïnɔm tueŋ, cït man ë luɔi de kɔc de yic aguk, ë ɣööt ke Nhialic yiic ku kuɛɛr yiic, ke ke bï leec ë kɔc. Wek yɔ̈ɔ̈k ëyic an, “Acïk ariöpden guɔ yök.

Math 6:5

Ku tën ee yïn lɔ̈ŋ, yïn cïï bï ciët kɔc deyiic aguk, anhiaarkï kɔ̈ɔ̈c kɛ̈ɛ̈c kek ë ɣööt ke Nhialic yiic ku aguuk ke kuɛɛr, të ye kek lɔ̈ŋ, ke ke bï tïŋ ë kɔc. Wek yɔ̈ɔ̈k ëyic an, “Acïk ariöpden guɔ yök.

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Luk 20:47

ku yek ɣööt ke diëër cïn nïïm röör cam yiic, ku yek lɔ̈ŋ ë lɔ̈ŋ bäär thiɛɛn kek kërɛɛcden: këdɛn tuc bïk yök kek ee kɔckë abï dït!”

Jɔn 7:18

Raan ë jam ëkëde yenhde ee lɛc de yenguöp en kɔɔr: ku raan kɔɔr lɛc de raan ë toc en, yen aye raan yic, ku cïnic kërac.

Luɔi 15:1

Na wën, ke kɔc kɔ̈k ë ke bɔ̈ ë Juda, bïk ku wëëtkï wäthii an, “Të kënë we cueel cït man ë täu de ciɛɛŋ de Mothe, ke we cïï duëërë kony wei.”

Luɔi 15:5

Ku jɔt kɔc röt, kɔc ke rem ë Parithai kɔc cï gam, ku jɔkï lueel an, “Juöör abï ke dhil cueel, ku abuk keek dhil yɔ̈ɔ̈k, bïk löŋ de Mothe dhil aa muk ëbɛ̈n.”

2 Kor 10:12

Ku wo cïï woyiic duëër mat në kɔc kɔ̈k kɔc ee röt leec kapäc, ku cuku röt duëër thɔ̈ɔ̈ŋ ë keek aya: ku keek, thëm ee kek röt them kapäc, ku thööŋ ee kek röt thɔ̈ɔ̈ŋ kapäc, acïn kek nïïm.

2 Kor 11:13

Kɔc cït ee kake kek aye tuuc aluɛth, kɔc ë luui ëcuëër, agokï röt aa puk tɔkï röt ë tuuc ke Kërtho.

Galatai 2:14

Na wën, aa cä rëërden tïŋ, nɔn cïï en ee rëër piɛth röŋ ke yic de wëlpiɛth, ke ya jɔ Petero yɔ̈ɔ̈k ë kɔc nïïm kedhie an, “Yïn, yïn ee Judai nɔm, ku yïn ee rɛ̈ɛ̈r ë rëër ë Juöör ku cïï rɛ̈ɛ̈r ë rëër ë Judai, eeŋö ee yïn ye kɔɔr bä Juöör dhil tɔ rɛ̈ɛ̈r ë rëër ë Judai?”

Galatai 2:3

Ku acakaa Tito akënë dhil tɔ cuel ayadäŋ, ku ye Girikii:

Galatai 5:11

Ku yɛn, mïthëkɔckuɔ, të ŋuɔɔt ɛn ke ya guiir jam de cuɛ̈l, ke yeŋö ŋuɔɔt ɛn ke ya yɔŋ kɔc? Yen adï cï nyaai, yen kɔ̈th ee kɔc kɔ̈th ë tim cï rïïu nɔm.

Galatai 6:13

Acakaa keek gup kek kɔc cï cueel, acïkï löŋ ee döt apiɛth ayadäŋ, akɔɔrkï luɔi bï ë we cueel, ke ke bï röt aa leec ë guöpdunic.

Pilipoi 1:15

Kɔ̈k ayek ka ke Kërtho guiir në tiɛɛl tei, kekë ater, ku guiir kɔ̈k në piɔ̈n piɛth aya.

Pilipoi 2:4

Ë ŋɛk cïï ka ke yenguöp ee ŋic kapäc, e ye ka ke kɔc kɔ̈k ŋic ayadäŋ.

Pilipoi 3:18

Ku kɔc juëc akuckï rëër ënɔɔnë, ku yɛn ë këden cool ë lɛ̈k ɛn e week ëcaŋɣɔn, ku lɛ̈k week ënɔɔnë ke ya dhiau an, ayek kɔc de ater në tim de Kërtho tim cï rïïu nɔm:

Kolothai 2:23

Kakë ayek röt tɔ ye ka cït ka cath ë pɛlënɔm, në läm ee raan lam ë këde yenpiɔ̈u, ku në kuur ee raan rɔt kuɔɔr piny, ku reec ee raan e guöp rɛɛc muk, ku acïnkï naamden, ee kak ee piɔ̈u tɔ mit tei.