Galatai 6:1 - JAM DE NHIALIC 2011

¹ Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

Galatai 6:1 ပူးပေါင်းရင်းမြစ်များ

2 Tham 11:2

Na ɣɔn thëën ë kööl tök ke Debid ë jɔt rɔt ë biökke yiic ku jɔ cath ke wil ɣönde nɔm nhial. Ku të wën ŋoot en në ɣöt nɔm, ke tïŋ tik ke waak paande. Ku tik aa läk aläl.

Diɛt 141:5

Kɔc piɛth aduɛ̈ɛ̈rkï a dui ku nenkï yɛn në piath, ku yɛn cïï miɔ̈c de kɔc ee karɛc looi bï gam, në biäk ee yɛn cool ë läŋ në biäk de luɔidɛn rac.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Math 26:69

Ku rɛ̈ɛ̈r Petero biic ë kaldïtic, go nyan lïm tök bɛ̈n tëde yen, bï ku lueel an, “Yïn aya, yïn aa nu wekë Yecu de Galili.”

Math 26:75

go Petero jam de Yecu tak, jam wën cï lueel an, “Të ŋoot ajïth ke kën kiiu, ke yïn bï a jai ëtaitai raandiäk.” Go lɔ biic, le dhiau ë dhiën tuc.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Romai 14:1

Raan dɛk ë gäm, ke damkï, ku duökï wël ë tɛɛr në yen.

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

Romai 8:6

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

1 Kor 10:12

Yen na de raan ŋic rɔt nɔn kɛ̈ɛ̈c en apiɛth, ke ye rɔt tiit ke cïï bï wïïk.

1 Kor 14:37

Ku na de raan cï rɔt tɔ ye tiët ee wël guiir, ayï raan ŋic ka ke Wëi, ke gam ka gäär week, nɔn ee kek ka cïï Nhialic thɔ̈n kɔc.

1 Kor 2:15

Ku raan ë yepiɔ̈u tuöm ka ke Wëi, yen aye käŋ yök yiic kedhie, ku yenguöp acïn raan bï ye yökic.

1 Kor 3:1

Ku yɛn, mïthëkɔckuɔ, yɛn aa cïï duëër jam wokë week wään, cït kɔc cï kepiɔ̈ɔ̈th tuöm ka ke Wëi, yɛn aaye jam wo week cït kɔc cï kepiɔ̈ɔ̈th tuöm ka ke guöp tei, cït mïththii ateteet ë Kërtho yic.

1 Kor 4:21

E wepiɔ̈ɔ̈th wäkdï? Bä bɛ̈n tëde week ke ya muk thieny duöi ɛn week, ku bä bɛ̈n wokë nhiëër ku piɔ̈n ril.

1 Kor 7:5

Ë ŋɛk cïï rɔt ee pɛ̈n ŋɛk, ë röm bä wek thook röm tei bäk röt pɔ̈l ë aköölkë, ke we bï cök ë läŋ läŋ wek Nhialic, ku jakï röt bɛ mat ëtök, ke we cïï Catan bï them, në kuny kuöc wek röt muk.

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 2:7

Ku ënɔɔnë aŋuän nɔn bä wek e pɔ̈l, ku jakï muk piɔ̈u, ke raanë cïï tiëël bï dɔm në dït de jiɛth ë yenpiɔ̈u.

2 Kor 2:8

Yen a läŋ ɛn week, an, bäk bɛ tɔ ŋic nhiëërduön nhiaar wek en.

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

Galatai 6:18

Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke wëikun, wek mïthëkɔckuɔ. Amiin.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

2 Theth 3:15

Ku duökï ee tɔ ye raan dɛ wek ater, yak nen tei cït man ë mɛnhkënëdun.

2Tim 2:25

raan ee kɔc luel ater wɛ̈ɛ̈t ë piɔ̈n lir, nɔn de të bï Nhialic ke gäm puŋdepiɔ̈u, agokï yic gam,

Ɣeberuu 12:13

Ku yak kueer lɔ loulou cak në wecök ke ŋɔl cï rɔt bï yal wei kueer, aŋuɛ̈ɛ̈n luɔi bï ŋɔl waar ku deem.

Ɣeberuu 13:3

Yak diɛɛr anandun në kɔc mac cït man ë ka mac në keek ëtök.

Jakop 3:13

Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.