Galatai 5:20 - JAM DE NHIALIC 2011

²⁰ läm de yiëth, athuɛ̈ɛ̈th, män mɛɛnë kɔc röt, ateer, tiɛɛl, agööth, ateer ke dït, tëŋ ee kɔc keyiic tek, döm de wëët rac,

Galatai 5:20 ပူးပေါင်းရင်းမြစ်များ

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Edhekiɛl 22:18

“Mɛnh ë raan, baai de Yithriɛl acïnkï naamden tëde yɛn. Keek acït ciët wëth cï riääk, ku ayöm, ku wëëth, ku maläŋ cï riääk, ee döŋ piny të cïï ateek lëëŋ ë mac.

Romai 2:8

Ku kɔc ë wël tɛɛr, kɔc reec yic gam, ku gamkï kërac, kek abï diu de Nhialic piɔ̈u yök kekë agɔ̈th.

1 Kor 11:19

Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic.

2 Kor 11:19

We ŋic këde kɔc mum nïïm guum, luɔi aa wek kɔc pel nïïm.

2 Kor 12:20

Yɛn ë riɔ̈ɔ̈c, miäk, të cän bɛ̈n, ke we cït ka cä bï yök aye kɔc kaar ë yapiɔ̈u, ku yɛnguöp yɛn cït kë cäkï bï yök aye raan kaarkï ë wepiɔ̈ɔ̈th, yɛn ë riɔ̈ɔ̈c ë ciët kë bï dɛ ateer nu, ku tiɛɛl, ku agööth, ku tɔɔŋ, ku ciëk de thok, ku atuum, ku lɛc leec ë kɔc röt, ku awuööu.

Galatai 5:15

Ku të ya wek röt kääc, ku yak röt cam, tiɛɛtkï röt ke we cïï röt bï thöl wapäc.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.

Tito 3:10

Raan ee wëët yalic, të cï yïn e jɔ̈ɔ̈ny raantök ayï raanrou, ke jɔ rɛɛc.

Jakop 3:14

Ku na yak yiic dɛ tiɛɛl kec ku dɛkï piɔ̈ɔ̈th ater, ke we duökï röt ee leec, ku duökï yic ee cäk thok.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

1 Jɔn 3:15

Raan ëbɛ̈n raan man mɛnhkënë, ka ye raan ee kɔc nɔ̈k: ku aŋicku, an, acïn raan ee kɔc nɔ̈k cath ke pïïr athɛɛr.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

1 Tham 15:23

Në luɔi cït ë ciën gäm kërɛɛc de cäär, ku cït riɛl ë nɔm kërɛɛc de läm ë yiëth. Në biäk cïï yïn jam de Bɛ̈nydït rɛɛc ënɔɔnë acï yïn rɛɛc aya luɔi bï yïn aa melik.”