Galatai 5:17 - JAM DE NHIALIC 2011

¹⁷ Guöp ee tɔŋ cam kekë Wëi, ku ye Wëi tɔŋ cam në guöp, ku kake ayek gɔ̈m kapäc, ku wek cïï ka kaarkï ë wepiɔ̈ɔ̈th duëër aa looi.

Galatai 5:17 ပူးပေါင်းရင်းမြစ်များ

Cäk 6:3

Ago Bɛ̈nydït lueel an, “Yɛn cïï raan bï bɛ aa tɔ pïïr aɣet athɛɛr, në luɔi ye kek gup ke thuɔɔu. Runken abïk aa kɔ̈ɔ̈c në bɔt ku thiërrou ë run.”

Diɛt 119:133

Cït man cïn gutguut lueel, muk ɛn du yɛn tɔ tiɛɛm ë kërac.

Diɛt 119:159

Bɛ̈nydït, tïŋ nhiëër nhiaar ɛn wëëtdu, nhiëërduön agɔk, acïï rɔt ee waar, ka Yïn kony yɛn!

Diɛt 119:176

Yɛn cï nɔm mum cï thök cï määr, ka bä kɔɔr ɛn, yɛn awundu, në biäk kɛ̈n yɛn lööŋku dhɔɔt yiic.

Diɛt 119:20

Yɛn ee reem piɔ̈u në këdu, akaar bä ŋic luɔi bï Yïn löŋdu guiir ë ceŋ.

Diɛt 119:32

Abä them aläl bä lööŋku aa döt, në biäk bï Yïn yɛn gäm yöŋ de käŋ yiic dït.

Diɛt 119:35

Tɔ yɛn riëëu cök ke lööŋku, në biäk ee yen ɛn tɔ mit piɔ̈u.

Diɛt 119:40

Akaar bä lööŋku riëëu, gämë yɛn pïïr në piathëpiɔ̈ndu yic,

Diɛt 130:3

Tën ee Yïn awɛ̈ɛ̈ckuɔ muk, eeŋa duëër ban ke cïn guöp awäc?

Diɛt 65:3

në biäk de karɛcken. Karɛckuɔ ayek wo tiaam, ku aye keek päl wook.

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Math 12:30

Raan reec mät ke yɛn, ka de ater ke yɛn, ku raan reec kuëny kekë yɛn ëtök, ka thiëi käŋ wei.

Math 16:17

Go Yecu bɛ̈ɛ̈r, yöök, an, “Thieithieei, yïn Thimon Bar-Jona, acie raan cath kekë rïïŋ ku riɛm en ë nyuth yïn ee kënë ee Wäär nu paannhial.

Math 16:23

Go rɔt puk, ku yöök Petero an, “Waanë rɔt ë yakɔ̈u ciëën, Catan, yɛn cï piɔ̈u rac wokë yïn, yïn kën yïpiɔ̈u tuöm ka ke Nhialic, ee ka ke kɔc tei.”

Math 26:41

Yiɛ̈nkï ku läŋkï, ke we cïï bï lɔ ë thëmic, wëi aye lɔ thïn ëyic, ku ye guöp en akɔ̈c.”

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Luk 22:33

Go lueel an, “Bɛ̈nydït, të mɛcë wo wo yïn ëtök ë alooc yic, arëk të ciɛk wok thou ëtök, ke yɛn duëër gam!”

Luk 22:46

Go ke yɔ̈ɔ̈k an, “Eeŋö niënkï? Jatkï röt, läŋkï, ke we cïï bï them.”

Jɔn 3:6

Kë cï dhiëëth në guöp ee guöp, ku ke cï dhiëëth ë Wëi ee wëi.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

Galatai 3:21

Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.