Galatai 5:1 - JAM DE NHIALIC 2011

¹ Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 5:1 ပူးပေါင်းရင်းမြစ်များ

Diɛt 51:12

Bɛ ë ya pɔ̈k nɔm miɛtëpiɔ̈u de kuɔɔnydu, ku muk ɛn në wëi piath.

Kɛ̈ŋ 23:23

Kɔɔr yic ku pɛlënɔm ku yöŋ de käŋiic abä tuc gïth, du ke be pɔ̈l.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Math 23:4

Ayek kathiek duut, kathiek bï kɔc doony, ku tɛ̈ɛ̈ukï keek ë kɔc këët, ku keek gup ayek ke rɛɛc jak ë kecin, acakaa ciin töŋ thiinë.

Luk 5:38

Mɔ̈n cï piac dhiim aye tääu ë atheep cï piac coŋ yiic, agokï tɔ̈u apiɛth kedhie.

Luɔi 15:10

Na ënɔɔnë, eeŋö thɛ̈mkï Nhialic, bäk këthiek tääu ë kɔcpiööcë yiëth, këthiek cï wärkuɔ dhal ë jöt ayï wook?

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

Romai 6:18

Ku ënɔn cï we luöny bei ë kërac cin, ke wek cï jɔ aa lïïm ke piathëpiɔ̈u.

Romai 7:3

Ku ënɔɔnë, të ŋootë monyde ke pïïr, ku be yë thiaak ë mony däŋ, ka bï tɔ ye tiiŋ cï lɔ kekë mony lei, ku na thou monyde, ka cï dɔ̈k yeth ee löŋë yic, ago cuö be yë tɔ ye tiiŋ cï lɔ kekë mony lei, acakaa yen ë be yë thiaak ë mony däŋ.

Romai 7:6

Ku ënɔɔnë, wo cï luöny bei ë löŋ cin, kë wään cï wo mac thïn ë guɔ thou, luɔi bï wok käŋ aa looi në wëi cuk piac yök, ku cuku käŋ ee looi në kathɛɛr cï gɔ̈ɔ̈r ë löŋic.

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

1 Kor 7:22

Ku raan cï cɔɔl ë Bɛ̈nydïtic, ke ye lïm, yen aye raanden ë Bɛ̈nydït raan ee cath ë këde yenhde: ayï raan cï cɔɔl ke ye raan ee cath ë këde yenhde, yen aye lïm de Kërtho.

2 Kor 11:20

Të ye raan week lïïm, ayak guum, ayï të ciɛmë raan week, ayï të rumë raan week, ayï të biëëkë raan wenyïïn.

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 3:25

Ku ënɔn cï gäm guɔ bɛ̈n, ke wo cïï be aa mïth nu ë raan ë wo wɛ̈ɛ̈t cök.

Galatai 4:26

Ku Jeruthalem nu nhial alääu nɔm, yen aye maada wodhie.

Galatai 4:31

Yen tëde ka, wo cie mïth ke nyan lïm, wok ee mïth ke nyan lääu nɔm.

Galatai 4:9

Ku ënɔɔnë, nɔn cä wek Nhialic ŋic, ku aŋuän luɔi lueel wok en an, we cïï Nhialic ŋic, eeŋö bɛ wek röt pɔ̈k ka cïn naamden, ka cïn riɛl ku kuanykï nyïïn, ku dɛkï piɔ̈ɔ̈th luɔi bä wek röt bɛ tɔ ye lïïmken raanrou?

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Epethiei 6:14

Yen aa wek kɔ̈ɔ̈c, ke we cï weyiic duut në thiönh cɔl yic, ku tääukï ke bä wek weyöth kum, yen aye piathëpiɔ̈u,

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

1 Theth 3:8

wok pïïr ënɔɔnë, të kääc wek aril ë Bɛ̈nydïtic.

2 Theth 2:15

Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

1 Pet 2:16

Na cakaa wek ë ye kɔc lääu nïïm, ke we duökï nɔmlääudun tɔ ye kën ë luɔi de kërac kum, yak tɔ̈u cït lïïm ke Nhialic.

2 Pet 2:19

Ayek keek yɔ̈ɔ̈k, an, We bï luöny bei ë lïïmic, ku kek gup ayek lïïm ke dhiap de käŋ, raan ë yï tiaam, yen guöp yen abï yï tɔ ye lïm.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.

Nyuuth 2:25

Ku kë cath ke week ënɔɔnë tei, yak muk aril aɣet të bän bɛ̈n.

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.