Galatai 4:7 - JAM DE NHIALIC 2011

⁷ Yen ka, yïn cïï be ŋoot ke yï ye lïm, yïn ee wënde, ku tën ee yïn wënde, ke yïn ee wën bï ka ke Nhialic lɔ̈ɔ̈k lak në Kërtho.

Galatai 4:7 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Diɛt 16:5

Bɛ̈nydït, ee Yïn aye këdï Yïtök, ku yïn ee ya gäm kë kaar ëbɛ̈n, wadäŋdï anu ë Yïcin.

Diɛt 73:26

Nɔmdï, kekë guöpdï aduëërkï kɔ̈c, ku Nhialic ee riɛldï, ee yen ya kɔɔr aläl.

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Dhiëëu 3:24

Bɛ̈nydït ee yen ee biäkdï, ka yɛn bï aŋäthdï tääu në yeguöp.

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

Galatai 4:31

Yen tëde ka, wo cie mïth ke nyan lïm, wok ee mïth ke nyan lääu nɔm.

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.