Galatai 4:6 - JAM DE NHIALIC 2011

⁶ Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Galatai 4:6 ပူးပေါင်းရင်းမြစ်များ

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Jeremia 3:4

“Ku ënɔɔnë acï lɛ̈k ɛn an, ‘Ya wuur, ku yïn nhiaar ɛn ë caŋɣɔn aa yɛn meth.

Mak 14:36

Go lueel an, “Abba, Wäär, yïn ee käŋ lëu kedhie, nyaaiyë bïnyë tëde yɛn: ku acie këde yɛn piɔ̈u, ee këde yïn piɔ̈u.”

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 11:2

Go ke yɔ̈ɔ̈k an, “Të ya wek lɔ̈ŋ, ke yak lueel an, ‘Wäärda nu paannhial, tɔ rinku riëëuwë. Tɔ ciɛɛŋdu bɔ̈. Ye këde piɔ̈ndu tɔ loi ë piny nɔm, cït man ee ye looi paannhial.

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 16:7

Ku ee yic en lɛ̈k week ayadäŋ an, jäl jäl ɛn ade naamde tëde week: na cä jël, ke Raan ee kɔc riit piɔ̈ɔ̈th acïï bï bɛ̈n tëde week, ku të jäl ɛn, abä tuöc week.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

Luɔi 16:7

Na wën, aa cïk ɣet Muthia, ke ke them luɔi bï kek lɔ Bithunia, go Wëidït ke Yecu ke pëën.

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Romai 8:9

Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

1 Kor 15:45

Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.

2 Kor 1:22

Raan cï wo gäär piɔ̈ɔ̈th rinke aya, ago wo gäm Wëidït ë wopiɔ̈ɔ̈th, ke ye biäk de kë buk yök rial.

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

Epethiei 2:18

ku në yen, wook waarou wo duëër röt cuöt Wääda në Wëi tök.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

Pilipoi 1:19

Në ŋïny ŋiɛc ɛn en nɔn bï kënë piath në këdï, ago ya kony në lɔ̈ŋduön aa wek lɔ̈ŋ, ku në miɔ̈c cï wo miɔɔc në Wëi ke Yecu Kërtho.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Pet 1:11

Ayek cök ë kɔɔr kek en an, Ee köölou ku nɔn ee yen kööl cït ŋö, kööl cï Wëidït nu ë keyiic nyooth, ɣɔn lueel kek ka bïï Kërtho guum, ku dhuëëŋ bï bɛ̈n ë kecök, ke ke ŋoot wei.

Juda 1:20

Ku week, we kɔc nhiaar, yak röt yïk ë gämduön cä we gam, gäm ɣeric ë wic, ku yak lɔ̈ŋ në Wëidït ɣer,

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.