Galatai 4:25 - JAM DE NHIALIC 2011

²⁵ Ku Ɣagarë en aye kuur ë Thinai nu paan de Arab, ku athööŋ ke Jeruthalem nu ënɔɔnë: ka ye tɔ̈u ke ye lïm kekë mïthke.

Galatai 4:25 ပူးပေါင်းရင်းမြစ်များ

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Diɛt 68:8

Piny aye lath, ku të nhial ee deŋ luööŋ piny, në biäk de bɛ̈n ë Nhialic de Thinai. Go kuur ë Thinai lath në Nhialic nɔm, Nhialic de Yithriɛl.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Luk 13:34

Jeruthalem oou, Jeruthalem oou, paan ë tït nɔ̈k, ku biöök kɔc në kur kɔc cï tuöc yïn, ee nïn kadï cän piɔ̈u dɛ kum kuöm ɛn mïthku, cït man ee ajïth mïthke kum ë yewuök, ku acäk rɛɛc!

Luk 19:44

Ku abïk yï rai piny abä nɔm kït we piny, yïn wekë mïthkuön nu ë yïyic, ku acïn kuur töŋ bïk nyääŋ piny ë kuur däŋ nɔm ë yïyic, luɔi kuc yïn kööl ë nɛ̈mduön cï yï neem!”

Luɔi 1:11

ku luelkï ayadäŋ, an, “Wek röör ke Galili, eeŋö kääc wek ke we woi nhial? Yen Yecuyë, raan wën jɔtë nhial ë weyiic, abï enɔm bɛ dhuny acït nɔn cä wek e tïŋ alɔ paannhial.”

Galatai 1:17

ku kɛ̈n lɔ Jeruthalem të nu kɔc ë ye tuuc ɣɔn ŋuɔɔt ɛn, ku yɛn ë jäl ke ya lɔ paan de Arab, na wën, ke ya be yanɔm pɔ̈k Damathko.

Galatai 4:24

Kake ayek kääŋ: diëërke ayek lööŋ kaarou lööŋ cï mac, tök a bɔ̈ ë kuur ë Thinai, ku ye mïth dhiëëth ke ke ye lïïm, en aye Ɣagar.

Galatai 4:26

Ku Jeruthalem nu nhial alääu nɔm, yen aye maada wodhie.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Ɣeberuu 12:18

Wek kën bɛ̈n cït man ë kɔc ke Yithriɛl, ɣɔn bïï keek jääm ë kuur ë Thinai lɔ̈ɔ̈m, kuur woi ku aduëër ë jak, aa dɛ̈p në mac ku bïï mɔ̈ɔ̈th ku tɔ piny col

Bäny 5:5

Ku nieŋ kur röt në Bɛ̈nydït de Thinai nɔm, në Bɛ̈nydït nɔm Nhialic de Yithriɛl.