Galatai 3:28 - JAM DE NHIALIC 2011

²⁸ Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Galatai 3:28 ပူးပေါင်းရင်းမြစ်များ

Jowɛl 2:29

Ayï lïïmkï aya, nɔn yek röör, ku nɔn yek diäär, abä ke luöŋ gup Wëikï në aköölkë yiic.

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Jɔn 11:52

ku acie nyin ë jurëyic etök, ee luɔi bïï en mïth ke Nhialic të mat keyiic ëtök ayadäŋ, mïth cï thiäi.

Jɔn 17:11

Ku ënɔɔnë, yɛn cïï be nu ë piny nɔm, ku nu kɔckë ë piny nɔm, ku la tëde yïn. Wäär, Raan ɣeric, muk kɔc në rinku, kɔc cï gäm ɛn, ke ke bï aa raan tök, cït man ë wok wo yïn.

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 9:24

ee wook gup, wok kɔc cï cɔɔl, acie Judai yic etök, ee Juööriic aya?

1 Kor 7:14

Mony kën gam aye tɔ ɣeric në tik, ku tiiŋ kën gam aye tɔ ɣeric në moc: tëë cie yen, ke mïthkun adï kënkï yiic ɣɛɛr, ku acïk yiic ɣɛɛr ënɔɔnë.

1 Kor 7:19

Cuɛ̈l acïn naamde, ku luɔi kënë raan cueel acïn nɔm, ee muŋ ë raan lööŋ ke Nhialic muk, en ade naamde.

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 4:14

Ku thëm cï a them ë guöpdï yic akɛ̈nkï biɔɔn, ku we kën a koon, we cï a riëëu cït tuny de Nhialic ku ciët Kërtho Yecu guöp.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 1:1

Yɛn Paulo, tuny ë Yecu Kërtho në këde piɔ̈n ë Nhialic. Awerek en gäär kɔc ɣerpiɔ̈ɔ̈th nu Epetho, kek kɔc adööt kɔc nu ë Kërtho Yecu yic:

Epethiei 4:4

Ee guöp tök yen nu, ku Wëidït tök, acït man cï we cɔɔl në aŋäth tök, aŋäth ë cɔ̈t ë cɔɔlë week.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

Kolothai 1:4

Luɔi cï wok gämduön cä wek Kërtho Yecu gam piŋ, ku piŋku nhiëërduön aa wek kɔc ɣerpiɔ̈ɔ̈th nhiaar kedhie,

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

1 Tim 1:12

Ku aluɛɛl an, thieithieei raan cï a gäm riɛl, yen Kërtho Yecu Bɛ̈nydït, luɔi cï en a tɔ ye raan adöt, ago ya dɔm bä luɔide looi.

2Tim 1:1

Yɛn Paulo, tuny de Yecu Kërtho në këde piɔ̈n ë Nhialic, në këde pïïr cï kɔn lueel an, bï gäm kɔc, pïïr nu ë Kërtho Yecuyic.