Galatai 3:22 - JAM DE NHIALIC 2011

²² Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Galatai 3:22 ပူးပေါင်းရင်းမြစ်များ

Diɛt 143:2

Du awundu tɛ̈ɛ̈u ë thëmic, acïn raan cïn guöp awäc ë yïnyin.

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Jɔn 12:46

Yɛn aa bɔ̈ ë piny nɔm, ke ya ye ɣɛɛrëpiny, ke raan gam ɛn, ke cïï bï rëër tëcol.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Luɔi 16:31

Gokï lueel an, “Gam Bɛ̈nydït Yecu Kërtho, ke yï bï kony wei, wekë dhiëndu.”

Romai 10:9

Të gɛm yïn Bɛ̈nydït Yecu ë yïthok, ku gam ë yïpiɔ̈u, nɔn cï Nhialic e jɔt ë kɔc cï thou yiic, ke yïn bï kony wëi.

Romai 11:32

Kɔc acï Nhialic ke mac ëtök kedhie në reec reec kek gäm, ke ke bïï keek nyuöth kokdepiɔ̈u kedhie.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 3:23

kɔc acïk kërac wööc kedhie, ku dɛkï në dhuëëŋ de Nhialic.

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Galatai 3:17

Tharde kï yen aluɛɛl an, Löŋ cï mac ɣɔn, löŋ ŋootë Nhialic ke kääc thïn ëgɔk an, ee këde Kërtho, acïï duëërë tɔ cïn naamde në löŋ de Mothe, löŋ cï yiɛ̈n kɔc ë löŋë cök, wën cï en run bot kaŋuan ku thiërdiäk lɛɛr, ku kë cï kɔn lueel an, bï gäm en, acïï löŋ de Mothe duëër tɔ cïn naamde.

Galatai 3:23

Ku të ŋootë gäm ke kën bɛ̈n, wok cï mac, ku tit wo ë löŋic, wo cï yök ë wo mac aɣet kööl bï gäm bɛ̈n, gäm bï nyuöth kɔc ëlëmiäk.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

2Tim 1:1

Yɛn Paulo, tuny de Yecu Kërtho në këde piɔ̈n ë Nhialic, në këde pïïr cï kɔn lueel an, bï gäm kɔc, pïïr nu ë Kërtho Yecuyic.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

2 Pet 1:4

Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

1 Jɔn 2:25

Ku kënë ee kë cï kɔn lueel, an, bï gäm wook, yen pïïr athɛɛr.