Galatai 3:21 - JAM DE NHIALIC 2011

²¹ Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Galatai 3:21 ပူးပေါင်းရင်းမြစ်များ

Luk 20:16

“Abï bɛ̈n bïï kɔc ee dom tiitë bɛ̈n nɔ̈k, ku jɔ dom yiɛ̈n kɔc kɔ̈k.” Na wën, aa cïk e piŋ, ke jɔkï lueel an, “Tɔ pëën Nhialic en ee kënë!”

Romai 3:31

Ënɔɔnë, yok löŋ tɔ cïn naamde në gäm? Ei! Acie yen, wok tɔ löŋ kääc apiɛth.

Romai 3:4

Acï bï aa yen! Yeka, tɔ Nhialic ee yic, ciɛk an, ye raan ëbɛ̈n alueeth, acït man cï e gɔ̈ɔ̈r an: “Luɔi bï yï tɔ piɛthpiɔ̈u në wël lueel, Ku luɔi bï yïn kɔc tiaam të guiirë löŋdu.”

Romai 3:6

Acï bï aa yen! Të nu yen, ke Nhialic duëër löŋ de piny nɔm guiir adï?

Romai 9:31

ku Yithriɛl, kɔc ë ye löŋ dɛ piathëpiɔ̈u cop, akënkï löŋ de piathëpiɔ̈u gïth.

2 Kor 3:7

Ku na guiëërku ë löŋ de thuɔɔu, en aye löŋ ɣɔn cï gäär ë kur kɔ̈ɔ̈th, të cï e yiëkic dhuëëŋ, ago mïth ke Yithriɛl dhal ë wui woi kek Mothe nyin, në baŋ de dhuëëŋ ë yennyin, ku dhuëëŋ ee kë kɔɔr liu,

Galatai 2:17

Ku ënɔɔnë, të kɔɔr wok luɔi bï wo tɔ piɛthpiɔ̈ɔ̈th ë Kërtho yic, ku wook gup, wo cï yök aye kɔc ee kërac looi ayadäŋ, ke Kërtho ee raan ë këde kërac looi? Acie yen!

Galatai 2:19

Ku në löŋ yɛn cï guɔ thou në këde löŋ, luɔi bän pïïr në këde Nhialic.

Galatai 2:21

Yɛn cïï dhuëëŋ de Nhialic piɔ̈u ee tɔ cïn naamde: ku të bï piathëpiɔ̈u tëde löŋ, ke thon ë thouwë Kërtho ee ɣɔ̈ric!

Galatai 6:14

Ku yɛn, lɛc bän rɔt leec aliu ëtaiwei, ee këde tim cï rïïu nɔm etök, tim de Bɛ̈nydan Yecu Kërtho, raan cï ka ke piny nɔm tɔ piëëtë ëtim kɔ̈u tëde yɛn, ku piëëtë ya ë tim kɔ̈u tëde ka ke piny nɔm.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 7:18

Löŋ thɛɛr acï tääu tɛ̈n në luɔi kɔ̈ɔ̈c en ku acïn piathdɛn nu ke ye.

Ɣeberuu 7:19

Löŋ akën kɔc wään ee Nhialic lɔ̈ŋ në ee kueerë ɣɛɛt të duëër kek dikëdik. Go Nhialic kueer däŋ bï wok thiɔ̈k në Yen looi, a gëm wook aŋäth ŋuän.