Galatai 3:19 - JAM DE NHIALIC 2011

¹⁹ Ku löŋ, eeŋödɛn bï looi? Acï tääu thïn në biäk de wäc cï kɔc käŋ wööc, aɣet të bï käu bɛ̈n, käu cï kɔn lueel an, bï gäm en, ku acï ŋiëc guik apiɛth ë tuucnhial, ku jɔ tääu ë raan ë kɔc luk cin.

Galatai 3:19 ပူးပေါင်းရင်းမြစ်များ

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Lebai 15:32

Kakë ayek lööŋ në biäk de mony kuëër guöp, ku në biäk de mony ye mïthke wɛ̈t bei.

Luk 16:31

Go yɔ̈ɔ̈k an, ‘Na reeckï këde Mothe piŋ ayï këde tït, ka cïï ke bï tɔ gäm, acakaa raan tök yen ë jɔt ë kɔc cï thou yiic.”’

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 15:22

Tëë ya kën bɛ̈n jam wo keek, adï cïn kërɛɛc nu ë keyiëth: ku ënɔɔnë, acïn të bï keek röt kɔ̈c e kërɛɛcden.

Luɔi 7:38

Kënë ee raan wään ë nu në akutnɔm de kɔc ɣɔn cï guëër ë jɔ̈ɔ̈ric, kekë tunynhial ëtök, tuny wään jam ke yen ë kuur ë Thinai nɔm, ku aa nu kekë kuarkuɔ ayadäŋ: ee raan wään cï wël pïïr ke Nhialic nööm, bï ke yiɛ̈n wook.

Luɔi 7:53

Wek kɔc cï yiɛ̈n löŋ në guiɛɛk cï tuucnhial e guik, ku rɛɛckï döt ë muk!”

Romai 2:13

Ku acie kɔc piŋ löŋ tei, kek ee kɔc piɛthpiɔ̈ɔ̈th tëde Nhialic, ee kɔc ë löŋ looi, kek abï tɔ ye kɔc piɛthpiɔ̈ɔ̈th.

Romai 4:15

Ee löŋ yen ë agɔ̈th bɛ̈ɛ̈i, ku të cïn löŋ, ke wäc ë kɔc wööc aliu.

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Nyöŋ 5:5

Yɛn cï bɛ̈n kɔ̈ɔ̈c në kaamdun ë Bɛ̈nydït, bä week lɛ̈k kë ye lueel. Në biäk wään cïï kek riɔ̈ɔ̈c në mac ku wek kën bɛ̈n lɔ nhial ë kuur nɔm. “Acïï Bɛ̈nydït lueel an,

Ɣeberuu 2:2

Ku na cï jam ɣɔn lëk ë tuucnhial kuarkuɔ jɔ aa yic, ku le dɛ raan kën yen kuany cök, ku nɔn kën en en gam, abï luöi këtuc thok rɔ̈ŋ ke awänyde.

Ɣeberuu 2:5

Ku Nhialic akën tuucnhial tɔ ye bäny ke piny bï bɛ̈n, yen ee piny jiɛɛm wok në këde yë.