Galatai 3:14 - JAM DE NHIALIC 2011

¹⁴ Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Galatai 3:14 ပူးပေါင်းရင်းမြစ်များ

Cäk 22:18

Juöör ke piny nɔm kedhie abïk athiɛɛi aa lip tëde Yɛn, an thiɛɛi keek cït man cän mïthku thieei. Në luɔi cïn löŋdï döt.”

Yith 32:15

Ku Nhialic abï wëike bɛ tuööc. Ago jɔ̈ɔ̈r ɣɔn cï riääk luɔk bɛ nyɔk, ku lok duum në rɛɛp juëc, ku jɔ duum ee luɔk aa roor dït.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Edhekiɛl 11:19

Abä ke gäm piɔ̈n cï piɛc looi, ku täŋ cï piɛc looi. Yɛn bï piɔ̈ɔ̈thkɛn ril ke kuur nyaai, ku gäm keek piɔ̈n de riëëu.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 24:49

Ku tiëŋkï, wek tuöc kë cïï wäär lueel an, bï gam: ku week, jakï rëër ë pänydït Jeruthalem, aɣet të bï we piɔ̈th në riɛldïït bɔ̈ nhial.”

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

Luɔi 2:33

Ku ënɔɔnë, nɔn cï e tɔ dït ë ciin cuëny de Nhialic, ago Wëidït ɣer nööm ku cï Wun kɔn lueel an, bï ke gäm en, yen a luuŋ en ee kënë piny, ke wɔikï ku piɛŋkï ënɔɔnë.

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

Luɔi 5:32

Ku wok ee cäätɔɔ në kakë, ayï Wëidït ɣer aya, Wëi cï Nhialic gäm kɔc ë kake piŋ.”

1 Kor 12:13

Wook wodhie, wo cï baptith ë guöp tökic në Wëidït töŋë, nɔn ee wok Judai, ku nɔn ee wok Girikii, nɔn ee wok lïïm, ku nɔn ee wok kɔc ee cath ë këde yenhden, ku wo cï tɔ dëk në Wëidït töŋë wodhie.

2 Kor 1:22

Raan cï wo gäär piɔ̈ɔ̈th rinke aya, ago wo gäm Wëidït ë wopiɔ̈ɔ̈th, ke ye biäk de kë buk yök rial.

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Galatai 3:2

Ee cöökë yetök en akaar luɔi bän e piŋ tëde week, Cäk Wëidït yök në luɔi de löŋ, ku cäk ke yök në piŋ cä wek e piŋ, aguɔkï gam?

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Epethiei 2:18

ku në yen, wook waarou wo duëër röt cuöt Wääda në Wëi tök.

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 3:9

Duökï kërac ë puk nɔm ë kërac, ku lɛ̈t duökï ee puk nɔm ë lɛ̈t, acie yen, athiɛɛi yen abä wek e puk nɔm, luɔi ŋiɛc wek en an, ë luɔi bä wek athiɛɛi lɔ̈ɔ̈k lak, yen kë ë cöölë week ka.