Galatai 3:1 - JAM DE NHIALIC 2011

¹ Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Galatai 3:1 ပူးပေါင်းရင်းမြစ်များ

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 7:26

Ku raan ëbɛ̈n raan ë wëlkiënë piŋ, ku cïï keek ë looi, yen abä thɔ̈ɔ̈ŋ kekë raan piɔlpiɔ̈u, raan ë ɣönde yïk ë liɛɛt nɔm,

Luk 24:25

Go ke yɔ̈ɔ̈k an, “Agäi kɔc dhän oou, kɔc ë käŋ rɛɛc dap gam ka cï tït lueel kedhie!

Luɔi 16:6

Go Paulo ku kɔc cath ë yen gokï lɔ tëëk Purugia ku piny ë Galatia, ku pën Wëidït ɣer keek në guiëër bï kek jam guiir në Athia.

Luɔi 6:7

Go jam ë Nhialic piny kiët nɔm: go kuën ë kɔc piööcë go e nyin ŋuak aläl ë Jeruthalem, ayï rem dïït ë bäny ke ka ke Nhialic acïk gäm döt.

Romai 10:16

Ku akënkï wëlpiɛth gam kedhie, cït man cï Yithaya ye lueel an, “Bɛ̈nydït, eeŋa cï guiëërda gam?”

Romai 2:8

Ku kɔc ë wël tɛɛr, kɔc reec yic gam, ku gamkï kërac, kek abï diu de Nhialic piɔ̈u yök kekë agɔ̈th.

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

1 Kor 11:26

Ku të de yen të cäm wek ee kuïnë ku dɛ̈kkï ee bïnyë, ke thon ë Bɛ̈nydït en nyuɔɔthkï aɣet të bï en bɛ̈n.

1 Kor 2:2

Yɛn cï löŋ teem ë yapiɔ̈u an, acïn kë bä ŋic ë weyiic, ee Yecu Kërtho etök, ku piëët ë piëëtë yen ë tim cï rïïu nɔm kɔ̈u.

2 Kor 10:5

ayek lööŋ rac dhuöör piny, ayï këriëëc nu nɔm nhial ëbɛ̈n, kak ee rɔt jɔt ku cakkï ater në ŋïny de Nhialic, ku jɔku kë yok tak ë wopiɔ̈ɔ̈th ëbɛ̈n tɔ ye lïm bï këde Kërtho aa piŋ.

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

Galatai 1:2

Yɛn wokë mïthëkɔckuɔn tɔ̈u në yɛn ë tök, awerek en gɛ̈ɛ̈rku ɣööt ke Nhialic ke Galatai.

Galatai 1:6

Yɛn gäi! Ë kë cä wek röt guɔ rat wei wäkya ë Raan lɔ̈ɔ̈m Raan cï we caal ë dhuëëŋic dhuëëŋ de Kërtho piɔ̈u, lak wëlpiɛth kɔ̈k gam.

Galatai 2:14

Na wën, aa cä rëërden tïŋ, nɔn cïï en ee rëër piɛth röŋ ke yic de wëlpiɛth, ke ya jɔ Petero yɔ̈ɔ̈k ë kɔc nïïm kedhie an, “Yïn, yïn ee Judai nɔm, ku yïn ee rɛ̈ɛ̈r ë rëër ë Juöör ku cïï rɛ̈ɛ̈r ë rëër ë Judai, eeŋö ee yïn ye kɔɔr bä Juöör dhil tɔ rɛ̈ɛ̈r ë rëër ë Judai?”

Galatai 3:3

Mum mɔ̈ɔ̈m wenïïm ka? Nɔn cä wek gämdun gɔl ë Wëi yiic, kaarkï bäk thöl ë guöpic ënɔɔnë?

Galatai 4:9

Ku ënɔɔnë, nɔn cä wek Nhialic ŋic, ku aŋuän luɔi lueel wok en an, we cïï Nhialic ŋic, eeŋö bɛ wek röt pɔ̈k ka cïn naamden, ka cïn riɛl ku kuanykï nyïïn, ku dɛkï piɔ̈ɔ̈th luɔi bä wek röt bɛ tɔ ye lïïmken raanrou?

Galatai 5:11

Ku yɛn, mïthëkɔckuɔ, të ŋuɔɔt ɛn ke ya guiir jam de cuɛ̈l, ke yeŋö ŋuɔɔt ɛn ke ya yɔŋ kɔc? Yen adï cï nyaai, yen kɔ̈th ee kɔc kɔ̈th ë tim cï rïïu nɔm.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Epethiei 5:15

Yen tiɛɛt wek röt, ku yak cath aŋiɛckï, cït kɔc pelnïïm, duökï ee cath ë cäth ë dhän.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

1 Tim 6:4

ka ye rɔt tɔ dït, acïn kë ŋic, ku ye raan ee jiɛɛm wei në thiëc ɣɔ̈ric ku teer ë wël, ku jam cït ee kënë ee tiɛɛl bɛ̈ɛ̈i, ku bïï ater ku lɛ̈ɛ̈t, ku meek rɛɛc ee kɔc kenyïïn mɛɛk,

Ɣeberuu 11:8

Aye gäm de yic aŋäth yen aa tɔ Abraɣam riëëu cɔ̈t cï Nhialic ye cɔ̈ɔ̈l bei wunden, ku leer wun cïï Nhialic lɛ̈k en an bï gäm en. Ago bɛ̈n jäl ku nyiëëŋ wunden piny ke kuc të le yen thïn.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

Nyuuth 18:3

Ë luɔi cï juöör ëbɛ̈n dek në mɔ̈ndɛn ë agɔ̈th, agönh ë bïïyë bɛɛlde, ku meliik ke piny nɔm aake ye lɔ në yen, ku ajalɛɛp ke piny nɔm aake cï kuɛth ë wëu në juëc de kakɛn mit ee kɔɔr.”

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.

1 Tham 13:13

Go ë Thamwɛl lueel an, “Yïn cï këde pialëpiɔ̈u looi. Yïn kën lööŋ cïï Bɛ̈nydït Nhialicdun gäm yïn riëëu. Na ë cï keek döt aduëër yïn tääu në kɔc ke Yithriɛl nïïm wekë käudu ëbɛ̈n aɣet athɛɛr.