Galatai 2:9 - JAM DE NHIALIC 2011

⁹ Na wën, të cï kek dhuëëŋ ŋic dhuëëŋ cï gäm ɛn, ke yï Jakop, ku Kepath, ku Jɔn, kɔc cï tɔ ye mëën ke ɣön ë Nhialic, ke ke gɛ̈m wook cin cuëëc ke määth, yɛn wokë Baranaba an, buk lɔ tëde Juöör, ku lekï tëde aŋueel.

Galatai 2:9 ပူးပေါင်းရင်းမြစ်များ

2 Mel 10:15

Go Jeɣu bɛ jäl ëtɛ̈ɛ̈n, go rɔ̈m kekë Jonadap wën ë Rekap kueer, ke bï ye bɛ̈n loor nɔm, go Jeɣu ye thiëëc ku lueel an, “Yïn wekë yɛn täŋda akït? Kë nu në yapiɔ̈u, ee yen nu ë yïpiɔ̈u?’ Go Jonadap bɛ̈ɛ̈r an, “Ee yen.” Go Jeɣu lueel an, “Na ee yeka ke yï bïï yïciin.” Go Jonadap yeciin gam Jeɣu, go Jeɣu ye dɔm ciin, ku miit nhial në abël de tɔŋde yic,

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Luk 22:8

Go Yecu Petero tooc kekë Jɔn an, “Lak guiëkkï wook ka ke Winythok, buk lɔ cuet.”

Jɔn 1:42

Go bɛ̈ɛ̈i tëde Yecu. Go Yecu woi guöp, ku lueel an, “Yïn Thimon, wën ë Jona: yïn bï cɔɔl Kepath.” (Yen aye Petero, ku ye “kuur” në thoŋda.)

Luɔi 12:17

Go ke nieu ë yecin, an, Miɛmkï. Go ke guiëër në bïï cï Bɛ̈nydït e bɛ̈ɛ̈i bei në aloocic. Go an, “Lakkï guiëërkï Jakop kakë ayï wɛ̈ɛ̈t kɔ̈k.” Na wën, ke jɔ jäl, le tëdäŋ.

Luɔi 15:13

Na wën, aa cïk jamden thöl, ke Jakop bëër, lueel an, “Wäthii, piɛŋkï këdï!

Luɔi 15:7

Na wën, aacï kɔc teer ëteer dït, ke Petero jɔt rɔt, ku lueel an, “Wäthii, aŋiɛckï löny cï Nhialic a lɔc wään ë weyiic an, bï Juöör wëlpiɛth piŋ ë yathok, ku gamkï.

Luɔi 4:36

Ku ade mony cɔl Jothep, mony cï tuuc cäk rinke an, Baranaba (yen aye wën ë Muŋdepiɔ̈u, të pukë yen ë thoŋda), ku ye raan ë Lebi, paanden ee Thaiperuth,

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Romai 15:15

Ku we cä gäär cök kɔ̈k ke ya ril nyin arëët, ë täŋ täk ɛn wenïïm në kë cäk kɔn ŋic, në baŋ de dhuëëŋ cï Nhialic gäm ɛn.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

2 Kor 11:5

Ku ë yapiɔ̈u, yɛn kït wokë tuuc ëbɛ̈n, acakaa tuuc dït nu tueŋ aläl, acïn këthiin täu ɛn ciëën.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

2 Kor 8:4

agokï wo lɔ̈ŋ ë läŋ dït an, buk kë cïk gam ëdhuëëŋ nööm, ku jɔku mat ë luɔi yic në keek ëtök, luɔi de kuny de kɔc ɣerpiɔ̈ɔ̈th.

Galatai 1:16

luɔi bï en a nyuöth Wënde ë yapiɔ̈u, ke yɛn bï wëlpiɛth aa guiir ë Juöör yiic, ku ënɔnthiinë yɛn kën löŋ guiir wokë kɔckuɔ:

Galatai 1:18

Na wën, aa cä run lɛɛr kadiäk, ke ya lɔ Jeruthalem kɛ̈ny Petero, aguɔ rëër wo yen ë akööl kathiëër ku dhïc.

Galatai 2:1

Na wën, aacï run wan kathiëër ku ŋuan, ke ya be lɔ Jeruthalem wokë Baranaba ëtök, ku wo cath wokë Tito ayadäŋ.

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Galatai 6:3

Ku të de en raan ë rɔt tɔ ye raan de naamde, ku acïn naamde, ka mɛth rɔt tei.

Epethiei 2:20

Wek cï yïk ë këërkëëric këërkëër ë tuuc ku tït, ku Yecu Kërtho guöp yen aye kuur nu ë agukic kuur de naamde.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

1 Tim 3:15

Ku na cä gääu, ke yïn bï täu bï raan dhil aa tɔ̈u ɣön ë Nhialic ŋic, yen aye ɣön ë Nhialic pïïr, ku ye mën ee yic ku ye yic thar.

1 Jɔn 1:3

Kë cuk tïŋ ku piŋku, en a guïïrku week, ke we bï abärɔ aa mat në wook ëtök ayadäŋ: ku ë yic abärɔdan yok mat yen aye abärɔ de Wääda kekë Wëndɛn Yecu Kërtho:

Nyuuth 3:12

Raan ee tiam, abä tɔ ye mën ë luaŋdïït ë Nhialicdï, ku rin ke pänydïït ë Nhialicdï, yen aye Jeruthalem cï piac yïk, abɔ̈ piny tënhial tëde Nhialicdï, ku gäär nɔm rinkiën cï piac cak.