Galatai 2:6 - JAM DE NHIALIC 2011

⁶ Ku kɔckë kɔc cï tɔ ye kɔc de naamden, acakaa kek ë ye ŋö, acakaa kek ë dït ku acakaa kek ë kor, akïtkï tëde yɛn: Nhialic acïn raan ee riëëu guöp, kɔckë kɔc cï tɔ ye röördït acïn löŋ däŋ cïk lɛ̈k ɛn.

Galatai 2:6 ပူးပေါင်းရင်းမြစ်များ

Jop 34:19

Yen acïï rɔt ee mät bäny ku nɔn nhiɛɛr kɔc kueth, ku mäl kɔc kuanynyïïn, Yen aa cak raan ëbɛ̈n.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Mak 12:14

Na wën, ë ke bɔ̈, bïk ku luelkï an, “Bɛ̈ny ë wëët, yïn ŋicku nɔn ee yïn yic lueel, ku acïn raan bï yïn riɔ̈ɔ̈c ë ye, yïn cïï kɔc ë woi gup biic tei, yïn ee kɔc wɛ̈ɛ̈t ë kueer ë Nhialic në yic. Cï päl wook nɔn bï wok Kaithar aa kuöt athölbö, ku cie ye?”

Luk 20:21

Gokï thiëëc an, “Bɛ̈ny ee wëët, yïn ŋicku nɔn ee yïn käŋ lueel apiɛth ku wɛ̈ɛ̈të kɔc apiɛth, ku cïï kɔc ee kuany yiic, ku ye kɔc wɛ̈ɛ̈t ë kueer ë Nhialic në yic.

Luɔi 10:34

Na wën, ke Petero tuer e thok, ku lueel an, “Yɛn ë Nhialic tïŋ ë yic, nɔn cïï en ee raan ee kɔc kuany yiic.

Luɔi 5:36

Raan cɔl Theuda ë rɔt jɔt wään, ago rɔt tɔ ye raan de naamde, ago kɔc mat ë yen, acït bot kaŋuan: ku acï nɔ̈k, ago rem piŋ këde agokï thiäi kedhie, abïk riäär.

Romai 2:11

Kuëny ee kɔc kuany yiic aliu tëde Nhialic.

2 Kor 11:5

Ku ë yapiɔ̈u, yɛn kït wokë tuuc ëbɛ̈n, acakaa tuuc dït nu tueŋ aläl, acïn këthiin täu ɛn ciëën.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

2 Kor 5:16

Yen acïn en raan beku ŋic ë baŋ de guöp: acakaa Kërtho guöp, të ciɛk wok e kɔn ŋic në baŋ de guöp, ka cuku be ŋic aya.

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Galatai 6:3

Ku të de en raan ë rɔt tɔ ye raan de naamde, ku acïn naamde, ka mɛth rɔt tei.

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 13:7

Yak wenïïm tak në kɔc ë we jääm, kɔc wään wëët week në jam ë Nhialic, yak wëët në pïïrdenic ayï thonden, yak gämden tääu në wekɔ̈ɔ̈th cït man ë lupɔɔ ciɛŋkï.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.