Galatai 2:4 - JAM DE NHIALIC 2011

⁴ ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 2:4 ပူးပေါင်းရင်းမြစ်များ

Diɛt 119:45

Ku yɛn bï pïïr në nɔm lääu, në biäk kaar yɛn bä wëëtdu riëëu.

Diɛt 51:12

Bɛ ë ya pɔ̈k nɔm miɛtëpiɔ̈u de kuɔɔnydu, ku muk ɛn në wëi piath.

Yith 51:23

Abä gäm kɔc ee we yɔŋ, kɔc ee we tɔ tɔ̈c piny ë kuɛɛr yiic ku jɔkï we duöm piny abäk ciët tiɔ̈k.”

Luk 5:38

Mɔ̈n cï piac dhiim aye tääu ë atheep cï piac coŋ yiic, agokï tɔ̈u apiɛth kedhie.

Luɔi 15:1

Na wën, ke kɔc kɔ̈k ë ke bɔ̈ ë Juda, bïk ku wëëtkï wäthii an, “Të kënë we cueel cït man ë täu de ciɛɛŋ de Mothe, ke we cïï duëërë kony wei.”

Luɔi 15:24

Acuk piŋ nɔn de kɔc kɔ̈k cï jäl ë woyiic, kɔc cï week jut në wël wëëtë ke, ku liëëpkï wenïïm, luelkï, an, bï we dhil cueel, ku bäk löŋ aa döt, ku acïn kë cuk thɔ̈n keek.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

2 Kor 11:13

Kɔc cït ee kake kek aye tuuc aluɛth, kɔc ë luui ëcuëër, agokï röt aa puk tɔkï röt ë tuuc ke Kërtho.

2 Kor 11:17

Kë luɛɛl ënɔɔnë, acie këde Bɛ̈nydït en a lueel ɛn en, ku ja rɔt leec aya, ke ya cï nyin riɛl.

2 Kor 11:20

Të ye raan week lïïm, ayak guum, ayï të ciɛmë raan week, ayï të rumë raan week, ayï të biëëkë raan wenyïïn.

2 Kor 11:26

Awäär ke në keny aa yɛn cool ë keny, ku riɔ̈ɔ̈c wïïr, ku riɔ̈ɔ̈c de kɔc ee kɔc luc, riɔ̈ɔ̈c ë jurda, riɔ̈ɔ̈c ë juöör, riɔ̈ɔ̈c nu ë pänydïtic, riɔ̈ɔ̈c nu ë jɔ̈ɔ̈ric, riɔ̈ɔ̈c nu ë wɛ̈ɛ̈ric, riɔ̈ɔ̈c nu ë mïthëkɔckuɔ cuɛ̈ɛ̈r yiic.

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

Galatai 1:7

Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

Galatai 4:25

Ku Ɣagarë en aye kuur ë Thinai nu paan de Arab, ku athööŋ ke Jeruthalem nu ënɔɔnë: ka ye tɔ̈u ke ye lïm kekë mïthke.

Galatai 4:3

Yen acït wook aya, ɣɔn ee wok mïth, wo cï tɔ ye lïm buk aa tɔ̈u ë ka ke piny nɔm cök.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 5:10

Yɛn ŋäth Bɛ̈nydït në këdun ke cïn löŋ däŋ bäk dɔm: ku raan ë we tɔ diɛɛr ë wël abï këde yök ë yenhde, acakaa yen ë ye raan yïndï.

2Tim 3:6

Kɔc kɔ̈k ë keyiic ee kɔc ee lɔ ɣööt ke kɔc yiic, lek diëër piɔl piɔ̈ɔ̈th rum piɔ̈ɔ̈th, diëër juëc ë karɛckɛn cïk wööc, ku yek ke thɛl wei në ŋɔ̈ɔ̈ŋdɛn ë ke dɔm ŋɔ̈ɔ̈ŋ de këriëëc,

Jakop 1:25

Ku raan ee löŋ cï dikëdik woiyic, löŋ de luny ee kɔc lony, ku jɔ aa cool thïn ku acie raan ee piŋ ku jɔ nɔm määr, ee raan ee luɔi looi, raanë abïï thieei në luɔidɛn ee yen e looi.

1 Pet 2:16

Na cakaa wek ë ye kɔc lääu nïïm, ke we duökï nɔmlääudun tɔ ye kën ë luɔi de kërac kum, yak tɔ̈u cït lïïm ke Nhialic.

2 Pet 2:19

Ayek keek yɔ̈ɔ̈k, an, We bï luöny bei ë lïïmic, ku kek gup ayek lïïm ke dhiap de käŋ, raan ë yï tiaam, yen guöp yen abï yï tɔ ye lïm.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.