Galatai 2:16 - JAM DE NHIALIC 2011

¹⁶ aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 2:16 ပူးပေါင်းရင်းမြစ်များ

Jop 25:4

Ku raan duëër lɔgɔk adï në Nhialic nyin? Ke ye kë lɛɛn ë dhiëëth tik duëër ɣɛɛr?

Jop 9:29

Yɛn bï yiɛ̈k yeth gääk, ka eeŋö bï raan rɔt nuan në ɣɔ̈ric?

Diɛt 143:2

Du awundu tɛ̈ɛ̈u ë thëmic, acïn raan cïn guöp awäc ë yïnyin.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

Romai 1:17

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Romai 3:30

Luɔi ee yen Nhialic töŋë, Raan bï kɔc cï cueel tɔ piɛthpiɔ̈ɔ̈th në gäm, ku tɔ kɔc kënë cueel piɛthpiɔ̈ɔ̈th në gäm ayadäŋ.

Romai 4:2

Ku të cï Abraɣam tɔ piɛthpiɔ̈u në luɔidɛn cï looi, ka cath kekë kë duëër en rɔt leec, ku acïï rɔt duëër leec ë Nhialic nɔm.

Romai 4:24

Ee biäk de wook aya, ku abï tɔ ye piathëpiɔ̈u tëde wook aya, të gɛm wok Raan cï Yecu Bɛ̈nydïïtda jat nhial ë kɔc cï thou yiic,

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Galatai 4:5

luɔi bï en kɔc nu ë löŋic wɛ̈ɛ̈r bei, ago wo tɔ muk abuk aa wɛ̈ɛ̈tke.

Galatai 5:4

Kërtho acï tɔ cïn naamde tëde week, wek kɔc kɔɔr luɔi bï we tɔ piɛthpiɔ̈ɔ̈th në löŋ, week wedhie, wek cï lööny wei ë dhuëëŋdepiɔ̈u yic.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.