Galatai 1:8 - JAM DE NHIALIC 2011

⁸ Ku na cakaa wook, ku na cakaa tuny bɔ̈ nhial, të de en raan guïïr week wëlpiɛth mɛɛn pei, wël cïï thööŋ ke wël wään guïïrku week, në bï guöp dɛ aciɛɛn!

Galatai 1:8 ပူးပေါင်းရင်းမြစ်များ

Cäk 9:25

ke lueel an, “Aciɛɛn anu në Kanaan yeth! Abï ya lïm de mïthëkɔcken.

1 Mel 13:18

Go tiët cï dhiɔp e yɔ̈ɔ̈k an, “Yɛn ayadäŋ yɛn ee tiët ë Nhialic cït yïn, ku tunynhial ë jam ke yɛn në löŋ ë Bɛ̈nydït, lueel an bäkkï ciëën we yen baaidu, ke bï bɛ̈n cam në kuïn ku bï dek ë pïïu.” Ku aaye lueth en cï tɔ̈ɔ̈r en.

Neɣe 13:25

Aguɔ ke bɛ̈n jɔ̈ɔ̈ny ku läm keek aciɛɛn, ku duöi kɔ̈k ku nyuän nhïm biic në kenïïm. Ku ta ke loi gutguut në rin ke Nhialic luɔi cïï kek e bï bɛ nyɔk, ku cïï ë mïthken bï bɛ nyɔk yen thiëŋ ë duet ke juöör kɔ̈k.

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Jeremia 23:36

Ka keek acïkï jamë bï dhil bɛ aa lueel, an, ‘Thiɛk de Bɛ̈nydït,’ të le raan ye lueel aya, Yɛn bï jamdï tɔ thiek ë yic tëde yen. Wek cï wël ke Nhialic pïïr yal yic, Bɛ̈nydït de rɛm. Nhialicda.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Mak 14:71

Ago läm rac cak, ku jɔ kuëëŋ an, “Yɛn kuc raan luɛlkï!”

Luɔi 23:14

Gokï lɔ tëde bänydït ke ka ke Nhialic ku röördït, ku luelkï an, “Wok cï gutguut looi aläl, an, acïn kë buk thiëëp të ŋoot wok ke wo kën Paulo nɔ̈k.

Romai 16:17

Ku wek yɔ̈ɔ̈k, wek mïthëkɔckuɔ, wɔikï kɔc ee kɔc pääk, kɔc ee kak ee kɔc tɔ wäc käŋ cak, kɔc ee wëët ë wëëtë week riɔ̈ɔ̈k, päkkï në keek.

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

1 Kor 12:3

En ata yɛn we ŋic cöökë, yen acïn raan jam ke cath ke Wëndït ɣer ke Nhialic raan bï e lueel an, “Yecu ade guöp aciɛɛn!” Ku acïn raan duëër e lueel an, “Yecu ee Bɛ̈nydït,” të cïï en cath ke Wëidït.

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

Galatai 1:9

Acït man ë kë cuk kɔn lueel wään, abä bɛ nyɔkic, alëyɔ̈ɔ̈, Të de en raan guïïr week wëlpiɛth mɛɛn pei wël cïï thöŋ ke wël wään cäk nööm, në bï guöp dɛ aciɛɛn!

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Tito 3:10

Raan ee wëët yalic, të cï yïn e jɔ̈ɔ̈ny raantök ayï raanrou, ke jɔ rɛɛc.

Jocua 9:23

Në luɔi cä wek ë kënë looi, Nhialic ë we cieen. Wek bï jɔ ya kɔc ee tiim yep, ku dhëthkï ɣön ë Nhialicdï yic pïïu anandun.”

2 Pet 2:14

Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

1 Tham 26:19

Ënɔɔnë, tɔ bɛ̈nydï melik, piŋ këdiën luɛɛl. Na ee Bɛ̈nydït yen cï yïn puɔ̈k nɔm ɛn, miɔ̈c cï gäm en abï yen tɔ waar E nɔm, ku na ee kɔc kek ë looi yen, ke aciɛɛn de Bɛ̈nydït abï lööny në kegup, në biäk cïï kek ɛn cuɔp wei piny de Bɛ̈nydït ku leerkï yɛn piny duɛ̈ɛ̈r ɛn yiëth lei lɔ lam.