Galatai 1:7 - JAM DE NHIALIC 2011

⁷ Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

Galatai 1:7 ပူးပေါင်းရင်းမြစ်များ

Jeremia 23:26

Agut cï nɛn, bïï ee tïtkë cool ë mɛth kɔckï në luethkɛn cïk cak?

Jeremia 23:36

Ka keek acïkï jamë bï dhil bɛ aa lueel, an, ‘Thiɛk de Bɛ̈nydït,’ të le raan ye lueel aya, Yɛn bï jamdï tɔ thiek ë yic tëde yen. Wek cï wël ke Nhialic pïïr yal yic, Bɛ̈nydït de rɛm. Nhialicda.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Luɔi 15:24

Acuk piŋ nɔn de kɔc kɔ̈k cï jäl ë woyiic, kɔc cï week jut në wël wëëtë ke, ku liëëpkï wenïïm, luelkï, an, bï we dhil cueel, ku bäk löŋ aa döt, ku acïn kë cuk thɔ̈n keek.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

2 Kor 11:13

Kɔc cït ee kake kek aye tuuc aluɛth, kɔc ë luui ëcuëër, agokï röt aa puk tɔkï röt ë tuuc ke Kërtho.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Galatai 1:6

Yɛn gäi! Ë kë cä wek röt guɔ rat wei wäkya ë Raan lɔ̈ɔ̈m Raan cï we caal ë dhuëëŋic dhuëëŋ de Kërtho piɔ̈u, lak wëlpiɛth kɔ̈k gam.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 4:17

Kɔ̈ɔ̈r ee kek cök ë kɔɔr kek week acïï piɛth, ee luɔi bï kek we guöör biic, en anu ë kepiɔ̈ɔ̈th, ke ke bäk cök ë kaar wek keek.

Galatai 5:10

Yɛn ŋäth Bɛ̈nydït në këdun ke cïn löŋ däŋ bäk dɔm: ku raan ë we tɔ diɛɛr ë wël abï këde yök ë yenhde, acakaa yen ë ye raan yïndï.

Galatai 5:12

Yɛn duëër piɔ̈u miɛt të cï kɔc ë we tɔ diɛɛr ë wël röt tɛɛm wei.

Galatai 6:17

Gɔl ee köölë, në cïn raan ë ya jut: yɛn cath wo piär ke Bɛ̈nydït Yecu cï gɔ̈ɔ̈r ë yaguöp.

2Tim 2:18

Kɔc cï këde yic wööc, ayek lueel an, cï jön ee kɔc röt jɔt guɔ wan, agokï gäm de kɔc kɔ̈k riɔ̈ɔ̈k.

1 Jɔn 2:26

Ku kakë acä ke gäär week në këde kɔc ee week math.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

2 Jɔn 1:10

Na bɔ̈ raan tëde week, ku cïï wëëtë bïï, ke duökï gam ɣöndun, ku duökï lëk thieithieei.

2 Jɔn 1:7

Kɔc juëc ee kɔc math acïk bɛ̈n cath ë piny nɔm, kɔc reec Yecu Kërtho gam nɔn ë bïï yen ke ye raan guöp. Raan ee kɔc math kï, ku ye raan man Kërtho.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 2:2

Yɛn ŋic luɔidu, ayï luɔiduön tuc, ayï liɛɛr ë yïnpiɔ̈u, ku luɔi cïï yïn këde kɔc rac duëër guum, ku thëm cï yïn kɔc them kɔc ee röt tɔ ye tuuc ku cïkï ye tuuc, ago ke yök aye aluɛth.

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.

Nyuuth 2:6

Ku cöökë ee këduön piɛth, män mɛɛn yïn luɔi de Nikolaitai, luɔi maan aya.

Nyuuth 20:3

ku jɔ cuat ë adhum thuthic, ku guur thïn, ku boot adhum thuth thok, ke cïï juöör bï bɛ aa math, të ŋoot agum de run ë ke kën kɔn thök: ku të cï runke thök, ka bï dhil lony tëthiinakäŋ.