Galatai 1:6 - JAM DE NHIALIC 2011

⁶ Yɛn gäi! Ë kë cä wek röt guɔ rat wei wäkya ë Raan lɔ̈ɔ̈m Raan cï we caal ë dhuëëŋic dhuëëŋ de Kërtho piɔ̈u, lak wëlpiɛth kɔ̈k gam.

Galatai 1:6 ပူးပေါင်းရင်းမြစ်များ

Diɛt 106:13

Ku ayek nïïm guɔ dap määr ë kë cï looi ku luikï ke ke cïï täŋde be tiit.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Mak 6:6

Go gäi në reecdɛn reec kek gäm. Go bɛ̈i kuany yiic ke wëët kɔc.

Jɔn 9:30

Go raan bɛ̈ɛ̈r, lueel an, “Man ee kë ye kɔc tɔ gäi, kuny kuöc wek të ë bï yen thïn, ku yen aa liep a nyin.

Luɔi 15:11

Wok gam tei nɔn bï wo kony wëi në dhuëëŋ ë Bɛ̈nydït Yecu Kërtho piɔ̈u, acït man ë kek aya.”

Romai 10:3

Ku keek, në kuny kuc kek piathëpiɔ̈u bɔ̈ tëde Nhialic, ku ŋäth ŋɛ̈ɛ̈th kek piathdɛn ë piɔ̈u etök, aake ye piathëpiɔ̈u bɔ̈ tëde Nhialic rɛɛc gam.

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Romai 8:30

Ku kɔc ɣɔn cï kɔn lɔc, kek aye ke cɔɔl ë yen, ku kɔc cï cɔɔl ë yen, kek aye ke tɔ piɛthpiɔ̈ɔ̈th ë yen, ku kɔc cï tɔ piɛthpiɔ̈ɔ̈th, kek aye ke gäm dhuëëŋ ë yen.

1 Kor 4:15

Ku na cäk dɛ agum de kɔc kathiëër nu, kɔc ee week wɛ̈ɛ̈t ë ka ke Kërtho, ku acïn wärkun juëc nu: we cä dhiëëth ë Kërtho yic në guiëër ë wëlpiɛth.

2 Kor 11:4

Ku na raan bɔ̈ ënɔɔnë, tën ee yen këde Kërtho däŋ guiir, Kërtho kën wo këde guiir, ku të yök wek wëi mɛɛn wëi kɛ̈nkï yök wään, ayï wëlpiɛth mɛɛn wël kɛ̈nkï gam wään, aduɛ̈ɛ̈rkï yiɛ̈n guum apiɛth.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

Galatai 1:11

Ku ënɔɔnë, we ta ŋic ee kënë, wek mïthëkɔckuɔ an, Wëlpiɛth cä guiir wään, acïkï ë ka ke raan.

Galatai 1:15

Ku Nhialic, Raan cï a tɔ̈ɔ̈u pei në maar yäc, go ya cɔɔl në dhuëëŋ de yenpiɔ̈u, të cï en piɔ̈u miɛt,

Galatai 1:7

Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

Galatai 2:14

Na wën, aa cä rëërden tïŋ, nɔn cïï en ee rëër piɛth röŋ ke yic de wëlpiɛth, ke ya jɔ Petero yɔ̈ɔ̈k ë kɔc nïïm kedhie an, “Yïn, yïn ee Judai nɔm, ku yïn ee rɛ̈ɛ̈r ë rëër ë Juöör ku cïï rɛ̈ɛ̈r ë rëër ë Judai, eeŋö ee yïn ye kɔɔr bä Juöör dhil tɔ rɛ̈ɛ̈r ë rëër ë Judai?”

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Galatai 2:5

Ku akënku ke tɔ tiam wook, buk aa rëër ë löŋdenic, acïn thaar tök: luɔi bï yic de wëlpiɛth aa tɔ̈u ke week.

Galatai 2:7

Acie yen, ku të cï kek e tïŋ, nɔn cï guiëër tääu ë yaciin guiëër bän wëlpiɛth guiëër kɔc kënë cueel, acït man cï guiëër bï en aŋueel guiëër tääu ë Petero ciin.

Galatai 5:14

Löŋ ëbɛ̈n aye tiiŋic ë jam tök, jam ee lueel alëyɔ̈ɔ̈ an, “Yïn bï raan rëër ke yïn aa nhiaar cït man nhiɛɛr yïn rɔt.”

Galatai 5:4

Kërtho acï tɔ cïn naamde tëde week, wek kɔc kɔɔr luɔi bï we tɔ piɛthpiɔ̈ɔ̈th në löŋ, week wedhie, wek cï lööny wei ë dhuëëŋdepiɔ̈u yic.

2 Theth 2:14

Yen aa cɔɔl en week në wëlkuɔn piɛth, ke we bï dhuëëŋ de Bɛ̈nydan Yecu Kërtho yök.

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

1 Tim 1:3

Acït man wään yɔ̈ɔ̈k ɛn yïn an, bä döŋ Epetho, wään la yɛn Makedonia, luɔi bï yïn kɔc kɔ̈k yɔ̈ɔ̈k an, Duökï ee wëët ë wëët mɛɛn.

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

1 Pet 1:15

Ku acït man ɣeer en yic yen Raan ë cɔl week, ke week ayadäŋ yak rëër ke we ɣeriic ë këriëëcic ëbɛ̈n.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

Nyuuth 22:21

Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke kɔc ɣerpiɔ̈ɔ̈th kedhie. Amiin.