Ɣagai 2:9 - JAM DE NHIALIC 2011

⁹ Luaŋdït cï piɛc yïk, abï läk arëët awär ɣön wään tueŋ. Ku yɛn bï kɔckï tɔ kueth, ku gäm keek mät, Bɛ̈nydït de rɛm Yen aa jam.

Ɣagai 2:9 ပူးပေါင်းရင်းမြစ်များ

Yith 60:7

Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Yith 66:12

Aye Bɛ̈nydït lueel an, “Yïn bä yiën kuɛth cïï kɔ̈u bï tɛɛm, kajuëc ke juöör abïk wɛt tëde yïn cï pïïu ke kiir cie dëu. Yïn bï ciët mɛnh thiin ye boom në yeyɔu, ku ye luööi në nhiëër.

Edhekiɛl 43:5

Go Wëi ya gap nhial, ku leer yɛn në kal yic thïn, të wën ë tiëŋ yɛn dhuëëŋ de Bɛ̈nydït ke cï Luaŋdït thiɔ̈ɔ̈ŋ.

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Ɣagai 1:8

Ku ënɔɔnë, lakï ë kur nïïm, lak bɛ̈ɛ̈ikï tiim, bä wek Luaŋdït bɛ̈n nyɔk në yïk. Ke Ya bï piɔ̈u miɛt, ku be ë Yɛn aa lam cït mandï.

Ɣagai 2:3

an, ‘Eeŋa në weyiic, raan ŋoot ke ŋic läk wään kɔn ë Luaŋdït läk wään tueŋ? Ku ënɔɔnë, tɔ̈u adï? Cäkï ee tïŋ cït ke cïn këdäŋ?

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Jakop 2:1

Wek mïthëkɔckuɔ, duökï gäm de Bɛ̈nydan Yecu Kërtho, Bɛ̈nydïït de dhuëëŋ ee muk në kuëny aa wek kɔc kuany yiic.