Ɣagai 2:22 - JAM DE NHIALIC 2011

²² ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Ɣagai 2:22 ပူးပေါင်းရင်းမြစ်များ

2 Lëk 15:6

Jur ee jurdäŋë yɔŋ, ku pänydït ee pänydït däŋ yɔŋ, në biäk cïï Nhialic riääk ku nuɛɛn bɛ̈ɛ̈i ë kegup.

2 Lëk 20:22

Na wën aa gɔlkï kiët ku alɛɛc, go Bɛ̈nydït anuɔɔn ku mum ë nɔm dɛ̈ny rem de tɔŋ wään bïï tɔŋ.

2 Lëk 20:23

Go kɔc ke Ammon ku kɔc ke Mowap rem de tɔŋ de Edom lɔ mak ku riäkkï keek kedhie, na wën cïk Edom thöl, ke ke jɔ röt pɔ̈k röt kapäc ku nɛ̈kkï röt ë tɔŋ.

Diɛt 46:9

Acï tɔɔŋ dɔ̈m kɔ̈ɔ̈c ë pinynɔm ëbɛ̈n, acï dhɛ̈ŋ dhoŋ kɔ̈ɔ̈th, ku riëëk tɔɔŋ, ku nyop abëël ke tɔŋ në mac.

Diɛt 76:6

Wään guɛ̈ɛ̈k Yïn keek Nhialic de Jakop, jöŋgöör kekë kɔc nu në kekɔ̈ɔ̈th acïk wïïk ku thoukï.

Bɛ̈n 14:17

Ku Yɛn bï kɔc ke Rip tɔ ril nïïm, ka abïk week kuany cök wïïr. Ku Yɛn bï dhuëëŋ yök, të lan melik tiaam kekë remde, ku riääk abëëlkɛn ke tɔŋ, ku näk kɔc cath thïn.

Bɛ̈n 14:28

Go pïïu röt puk, ku moukï abëël ke Rip, ku kɔc kuath ke. Ku moukï rem ë Rip ëbɛ̈n, rem de tɔŋ wään kuɛny kɔc ke Yithriɛl cök wïïr, man abï ciën raan töŋ dɔ̈ŋ në keyiic.

Bɛ̈n 15:19

Kɔc ke Yithriɛl aake tem wɛ̈ɛ̈r ke ke cath të ril. Na wën alɔ kɔc ke Rip wïïr në abëëlken, ku jöŋgöörken, ku kɔc cath në kekɔ̈ɔ̈th, ke Bɛ̈nydït ë tɔ wɛ̈ɛ̈r mat ë yic, gokï mou kedhie.

Bɛ̈n 15:4

“Ë rem de Rip cuat wïïr, në abëëlkɛn ke tɔŋ, rem piɛthdɛn ë tɔŋ, acï cuat në Wɛ̈ɛ̈r Thithic.

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Yith 60:12

Ku juöör cïï yï bï luööi abïï keek riɔ̈ɔ̈r taitai.

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Edhekiɛl 21:27

Riääk, riääk! Ɣɛɛ, yɛn bï pänydït tɔ riääk. Ku kënë acïï rɔt bï looi, agut të bï raan töŋë wään cä lɔc bïï pänydït bɛ̈n luöi këtuc bɛ̈n. Tëde yen abä gäm.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Edhekiɛl 38:21

Yɛn bï Gok riääc në kuat de riääk tuc thok. Acä lueel, Yɛn Bɛ̈nydït Awärjäŋ. Kɔcke abïk abätɛ̈ɛ̈uken pɔ̈k röt kapäc.

Edhekiɛl 39:20

Në pamdï nɔm abïk këriëëc bïk lëu ëbɛ̈n cuet, jöŋgöör ku ee cath në kekɔ̈ɔ̈th, ku rem de tɔŋ, ku kɔc ee piɔ̈t. Acä lueel, Yɛn Bɛ̈nydït Awärjäŋ.”

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Amoth 2:15

Ayï raan muk dhaŋ, acïï tɔŋ bï lëu, ku raan riŋ në jöŋgör acïï yiɛnhde bï lëu në kuny.

Maika 5:10

Aye Bɛ̈nydït lueel an, “Ëtɛ̈ɛ̈n, Yɛn bï jöŋgöörkun riɔ̈ɔ̈k ee köölë, ku riääk abëëlkuön ke tɔŋ.

Maika 5:15

Yɛn bï gɔ̈th arëët, ku guöör këdï në juöör cï ya rɛɛc ë piŋ ë thok.”

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Maika 5:9

Ka kɔc ke Yithriɛl abïk kecin aa yaak nhial, në luɔi cï kek kɔc ke ater tiaam. Ku kɔckɛn ke ater abïk keek riɔ̈ɔ̈k ëbɛ̈n taitai.

Maika 7:16

Abï juöör ke pinynɔm tïŋ ku yäärkï gup në keek, abï ke pɛ̈n riɛlden ëbɛ̈n. Abïk kethook aa kum në kecin, ku thiökkï keyïth.

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Dhek 10:11

Wadäŋ të teem wɛ̈ɛ̈r de katuc, yɛn bï apiöök yupic, yɛn Bɛ̈nydït, ku Kiir abï dëu taitai. Lɛc de Athiriya abï kuɔɔr piny, ku nyiɛɛi yë riɛl de Rip.

Dhek 10:5

Kɔc ke Juda abïk aa tiam cït man ë rem de tɔŋ, ku dumkï kɔckɛn ke ater piny ë tiɔɔm de kuɛɛr yiic. Abïk rem de tɔŋ ë jöŋgöör aa tiaam, në baŋ tɔ̈u ë Bɛ̈nydït ke keek.

Dhek 12:9

Ku në ee köölë, yɛn bï juöör ee Jeruthalem yiɛ̈n tɔŋ riɔ̈ɔ̈k kedhie.

Dhek 14:3

Ku ëtɛ̈ɛ̈n Bɛ̈nydït abï lɔ biic, ku lee thɔ̈ɔ̈r kekë juöörkë, cït man cï en kɔn thɔ̈ɔ̈r në akööl ɣɔn cï wan.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Dhek 9:10

Aye Bɛ̈nydït lueel an, “Yɛn bï abëël ke tɔŋ nyaai ë Yithriɛl, ku jat jöŋgöör ë Jeruthalem, ku riääk dhɛ̈ŋ ye kɔc muc. Melikdun abï mät looi ë juöör yiic, ciɛɛŋde abï gɔl në wɛ̈ɛ̈r alɔ gut ë wɛ̈ɛ̈r däŋë, ku gɔl ë wɛ̈ɛ̈r ë Yuparat kɔ̈u leer ë piny thar.

Math 24:7

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Bäny 7:22

Të wën koth ë rem de tɔŋ de Gidiɔn tuŋ, go Bɛ̈nydït rem de Midian tɔ guut röt kapäc në abätɛ̈ɛ̈u, gokï kat ke ke lɔ Dhereda thiääk ke Bethcita të lɔ aken de Abel Meɣola thiääk kekë Tabath.

1 Tham 14:16

Na wën aa lɔ kɔc ke Thaulo tɔ̈u ë Gibia de Benjamin lieec, gokï rem de tɔŋ ë Pilithiin tïŋ ariŋkï ke ke cï nuɔɔn arëët.