Ɣagai 2:14 - JAM DE NHIALIC 2011

¹⁴ Go Ɣagai lɛ̈k keek an, “Aye Bɛ̈nydït lueel an, yen täudɛn bï yen tɔ̈u ka kekë kɔc ke juöör ayadäŋ, ku tɔ̈u kekë kakɛn yek looi. Ka këriëëc ëbɛ̈n yek gam në yïk nɔm acï tɔ rac.

Ɣagai 2:14 ပူးပေါင်းရင်းမြစ်များ

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Kɛ̈ŋ 21:4

Daai de yic lɛc ku piɔ̈n cï thiäŋ ë lɛc, yen ee many alath ë kɔc ee karɛc looi ku yen ee kërac.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Yith 66:3

“Kɔc ayek ka nhiaarkï looi. Käŋ ëbɛ̈n akïtkï tëde keek: raan cï thɔn nɔ̈k acït raan ë näk raan, ku raan cï nyɔɔŋ amääl nɔ̈k acït raan ë dhoŋ jö yeth, ku raan ë gɛm miɔ̈c ë rap acït raan ë gɛm riɛm de kudhur, ku raan ë gɛm wal ŋïr nɔn ee läŋ acït raan ë lam yiëth. Ayek piɔ̈ɔ̈th miɛt në kuɛɛr rac ke läm.

Ɣodh 9:4

Acïkï miɔ̈c de mɔ̈u bï bɛ aa gäm Bɛ̈nydït. Ku nɔn gɛmkï miɔ̈cdɛn ye nyop ëbɛ̈n acïï Bɛ̈nydït bï bɛ aa miët piɔ̈u. Miɔ̈cdɛn yek gamë, abï ciët këcam de dhiëëu. Ku raan ëbɛ̈n raan lɔ yen cam, abï ye tɔ rac guöp. Abïk këcamden aa cam në biäk de cɔŋden yetök. Acïkï bï aa bɛ̈ɛ̈i Luaŋdït ke ye miɔ̈c.

Tito 1:15

Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.

Juda 1:23

ku yak kɔc kɔ̈k kony në riɔ̈ɔ̈c riääc wek, abäk ke ya dɔ̈ɔ̈r bei mɛɛc, ayï lupɔ aya abäk maan lupɔ cï nyuel në rac de guöp.