Ɣagai 2:12 - JAM DE NHIALIC 2011

¹² an, ‘Na muk raan rïïŋ ɣeric, rïïŋ de lɛ̈n cï näk Nhialic në lupɔ thok. Ku jiɛk en kuïn cï pam, ku nɔn yen kuïn ë thal, ku nɔn yen mɔ̈u, ku nɔn yen miök, agut cï këcam cï jak, duëër ee këcamë tɔ ɣeric ayadäŋ? Wën, cïï Ɣagai bäny ke kake Nhialic luɔp, ke pukkï nɔm an, “Ei.

Ɣagai 2:12 ပူးပေါင်းရင်းမြစ်များ

Bɛ̈n 29:37

Loi atɛɛm de yïk në nïniic kadhorou, ku ëtɛ̈ɛ̈n, yïk abï yic jɔ ɣɛɛr aläl, ku raan lɔ ye jak ku nɔn ee yen kë jak en, ka abï riɛl de ɣɛɛrde yicde ye luöi kërac.

Wɛ̈ɛ̈t 10:1

Pialëpiɔ̈u thiinakäŋ aduëër pɛlënɔm kekë dhuëëŋ tiaam, cït man ye luaŋ cï thou acidhanh de miök tum tɔ ŋuäc.

Edhekiɛl 44:19

Të ŋoot kek ke ke kën kɔn lɔ në kalic biic, të nu ë kɔc ëbɛ̈n, abïk lupɔɔ ke luɔi de Luaŋdït kɔn bɛ̈ɛ̈i bei në kekɔ̈ɔ̈th, ku nyiëëŋkï keek piny në ɣööt ɣeriic yiic. Abïk lupɔɔkɛn kɔ̈k tääu ë kekɔ̈ɔ̈th, ke ke cïï kɔc bï tɔ yök ë kërac, në biäk de lupɔɔ ɣer yiic.

Lebai 6:27

Ku kë cï guöpde jak ëbɛ̈n, abï ya kë ɣeric, ku na de lupɔ cïï ë riɛm nyiëër, ka abï dhil waak tëɣeric.

Lebai 6:29

Ku mïth wɛ̈t nu paan de bɛ̈ny de kake Nhialic kedhie, aduëërkï cam në yen, ee kë ɣeric aläl.

Lebai 7:6

Ku mïthwät nu paan de bɛ̈ny de kake Nhialic kedhie, aduëërkï cam në yen. Ku abï dhil aa cam tëɣeric. Ee kë ɣeric aläl.

Math 23:19

Wek dhän ku cöör! Ee kënou dït ë keyiic, ee kë cï gäm Nhialic yen dït, ku dït yïïŋ de läm, ee kë cï gäm Nhialic tɔ ɣeric?

Nyöŋ 33:10

Abïk mïthku wɛ̈ɛ̈t bïk löŋdu aa riëëu. Abïk miɔ̈c de wal ŋïr ku miɔ̈c ye nyop aa gam në yïïŋdï kɔ̈u.