Ɣagai 1:6 - JAM DE NHIALIC 2011

⁶ Wek ee ka juëc com, na miäk ke we tem ka lik. Wek de nïïm kacamkï, ku acïkï week ee kueth. Wek de nïïm mɔ̈n yak dek, ku acïkï week ee kueth! Wek de nïïm lupɔɔ ke kum, ku acïkï week ee tɔ tuc gup. Ku raan ee luui acïï ariöpde ee lëu.

Ɣagai 1:6 ပူးပေါင်းရင်းမြစ်များ

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

1 Mel 17:12

Go tik puɔ̈k nɔm en, an, “Yɛn ë kuëëŋ në rin ke Bɛ̈nydït Nhialicdun pïïr an yɛn cïn nɔm kuïn cï pam aa aɣar thiäŋ cin yen anu tëde yɛn yetök në abïnyic. Ku miök thiinakäŋ në agutic. Ka yɛn aa bɔ̈ eenë bä bɛ̈n kuany ë tiim bän ee këthiinë lɔ thaal ku cam wokë wëndï, ku jɔku bɛ̈n thou.”

Neɣe 5:2

Aye kɔ̈k lueel an, “Wok ee kɔc juëc në bɛ̈ikuɔ yiic, ka wok kɔɔr rap, agoku pïïr.”

Jop 20:22

Na ciɛk rëër në kajuëciic, ka bïï miɛn piny në nuɛɛn, ku ka dhal en abïk en bɛ̈n dhuɔŋ piny.

Jop 20:28

Kake kuɛthde kedhie abï ke riɔ̈ɔ̈k në kööl de agönh ë Nhialic.

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Kɛ̈ŋ 11:24

Amiööc aye kake kenyïïn ŋuak, ku raan ril ciin ee nyin bɛ̈n kuany.

Yith 5:10

Duumdït ke tiim kathiëër abïk litiir kadhetem ke mɔ̈u bɛ̈ɛ̈i. Ku bɔt ku thiërbɛ̈t 180 ë litiir ke kɔ̈th, abïk litiir kabɛ̈t ke anyuɔl bɛ̈ɛ̈i.”

Jeremia 12:13

Kɔckï ayek agamɔ com, ku temkï wal, acïk lui aläl, ku acïn kë yek yök ë luɔi yic. Në biäk de agönhdiën tuc, rɛɛpken akënkï luɔk.”

Jeremia 14:4

Në biäk cïn en deŋ, ku piny acï ril wei, kɔc ee pur atök ke piɔ̈ɔ̈th, ayek kenyïïn thiaan.

Jeremia 44:18

Ku gɔl të wään pɛ̈l wok luöi ye wok tiiŋ melik de paannhial nyuöp wal ŋïr, ku pɛ̈lku luöi ye wok yen wäl nɔm mɔ̈u, wok cï nïïn bɛ̈n ciɛ̈n käŋ, ku kɔckuɔ acïk bɛ̈n thou ë tɔŋ ku në cɔk.”

Ɣodh 4:10

Wek bï aa cam, ku cäkï kueth. Wek bï diäär aa kɔɔr arëët, ku cäkï kɛɛr. Në baŋ cä wek Bɛ̈nydït pɔ̈l, ku kuanykï yiëth cök ka acïk ciët tiiŋ cï köör.

Ɣodh 8:7

Ayek ɣääriic com, ku ee kek temkï. Belken acïnkï nïïm rap, ka acïnkï këcam. Na cakkï luɔk, abï kɔc lei ke cam.

Lebai 26:20

Riɛldun abï thök baaŋ në biäk cïï pinydun bï luɔk në rap, ayï tiim aya acïkï bï luɔk në mïth.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Ɣagai 1:10

Yen kë cïï deŋ ee tuɛny ka, ku cïn kë be luɔk.

Ɣagai 1:5

Aye Bɛ̈nydït de rɛm lueel an, Cäkï kë bï rɔt pɔ̈k week ee tïŋ?

Ɣagai 1:7

Aye Bɛ̈nydït de rɛm lueel an, Kɛ̈nkï cät eeŋö tɔ kakun tɔ̈u aya?

Ɣagai 1:9

Aye Bɛ̈nydït de rɛm lueel an, “Wek ee ka juëc kɔɔr, ku ee ka lik kek yak lɔ yök. Na ë lë adhɛ̈ɛ̈thkï ke baai, ke ke tɛŋ wei. Eeŋö yan ee kënë looi aya? Ee luɔi cä wek ɣöndï puɔ̈l adhɔt piny ke cï riääk, ku wek lui në kake yiëthkun, ŋɛk aloi ɣönde.

Ɣagai 2:16

Wek aaye lɔ në akut ë rap lɔ̈ɔ̈m ke ŋäthkï nɔn bï yen cual kathiërrou bɛ̈ɛ̈i, ke lɔ pëk në cual kathiëër. Ku wek aaye lɔ në thaaŋ ë mɔ̈u lɔ̈ɔ̈m, ke ŋäthkï nɔn bä wek töny kathiërdhïc lɔ thiɔ̈ɔ̈ŋ, ke lɔ pëk në thiërrou.

Ɣagai 2:17

Wek aa tuöc käm riäkkï kakuön cäk com ëbɛ̈n, ku tuöc week wiir tuc thok, ku wek kën we piɔ̈ɔ̈th puk.

Dhek 5:4

Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.

Dhek 8:10

Acïn ariöp ë nu në akööl wään kë nïïm tueŋ ariöp de raan, ku nɔn yen ariöp de läi. Ku acïn kë ë ye raan kony në kɔckɛn ke ater. Yɛn aacï kɔc kɛ̈ɛ̈k.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Nyöŋ 28:17

“Bɛ̈nydït abï rɛɛpkun ke anyuɔl, ku këcam yak looi në keek cieen.