Ɣagai 1:14 - JAM DE NHIALIC 2011

¹⁴ Ku jam Wëi në kɔc piɔ̈ɔ̈th kedhie, në yïŋ de Luaŋdït: yï Dherubabel wën de Caltiɛl bɛ̈ny de Juda, kekë Jocua bɛ̈nydïït ë kake Nhialic, ku kɔc lik cï döŋ, ɣɔn bɔ̈ ciëën në pɛ̈cic kedhie. Gokï Luaŋdïït de Bɛ̈nydït de rɛm, Nhialicden gɔl ë yïk.

Ɣagai 1:14 ပူးပေါင်းရင်းမြစ်များ

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

Edhr 1:1

Na ɣɔn ë ruöön tueŋ cïï Thairuth Melik de Perthia aa Melik de Babilon, go Bɛ̈nydït Melik Thairuth gut piɔ̈u, në biäk bïï jam aa yic, jam wään cïï Bɛ̈nydït lueel në röl ë tiët Jeremia an bïk bɛ̈n ciëën. Ago Thairuth tɔ gɛ̈ɛ̈r këdäŋ piny, ku tɔ kë cï gɔ̈ɔ̈r ciɛɛlë ë wuötke yiic kedhie, ku kën ë gɛ̈ɛ̈r kï:

Edhr 1:5

Na wën ke röördït ke dhiën nïïm ke Juda kekë Benjamin, ku bäny ke kake Nhialic, ku Lebai acïk röt coc, raan ëbɛ̈n raan cï Bɛ̈nydït gut piɔ̈u, bïï jäl ku le ɣön de Bɛ̈nydït yïk në Jeruthalem.

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Edhr 5:8

“Yïn Melik, ade kë kɔɔrku bä ŋic, wok aa cï lɔ wun ë Juda, ɣön de Nhialicdït ayïk në kurdït ku pɛɛm acï ke tääu në päny kɔ̈u. Yen ee luɔɔiyë acath apiɛth, ku aloikï në piɔ̈nden ëbɛ̈n.

Neɣe 4:6

Ëtɛ̈ɛ̈n wok cï jɔ lɔ ke wo nyɔk kal në yïk, ku acuk wil thok ëbɛ̈n në yïk, ku jɔ kɔ̈ɔ̈c ë kaamic ke lɔ nhial në biäk ë de kɔc piɔ̈ɔ̈th luɔi arëët.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Ɣagai 1:15

Aake gɔl yïk në kööl ye pɛ̈i de dhetem thok thiërrou ku ŋuan, në ruöön ye melik Dariouth run rou në bääny yic.

Ɣagai 2:2

Lëk Ɣagai an, “lɛ̈kë Dherubabel wën de Caltiɛl, bɛ̈ny ë Juda, kekë Jocua bɛ̈nydïït ë kake Nhialic, ku lɛ̈kë kɔc lik cï döŋ kedhie,

Ɣagai 2:21

Lëk en an, “lɛ̈kë Dherubabel, bɛ̈ny de Juda an, ‘Akaar luɔi bän tënhial kekë piny niɛŋ,

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 8:16

Ku thieithieei Nhialic Raan ë tɛ̈ɛ̈u lɛ̈thë yic manë guöp ë Tito piɔ̈u në biäkdun.