Ɣagai 1:13 - JAM DE NHIALIC 2011

¹³ Na wën, ke Ɣagai tuny guïïr kɔc jam ë Bɛ̈nydït, lëk keek an, “Acï Bɛ̈nydït lueel an Yɛn bï tɔ̈u wo week.

Ɣagai 1:13 ပူးပေါင်းရင်းမြစ်များ

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

2 Lëk 32:8

Ku riɛl tɔ̈u ke yen e riɛl ë raan tei, ku wok de Bɛ̈nydït Nhialinyda abï wok kony ku bï tɔŋ thɔ̈ɔ̈r ë yen.” Go kɔc kepiɔ̈ɔ̈th riit në wɛ̈l ke Ɣedhekia melikden.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 42:19

De raan cï cɔɔr awär awundï, ku nɔn ee raan cï miŋ wär tuny cä tooc? Eeŋa cï cɔɔr cït raandiën cï rɔ gam; ku nɔn cï cɔɔr cï awun de Bɛ̈nydït?

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Jeremia 15:20

Yïn bä tɔ cït kal de maläŋ ril të de keek. Abïk thɔ̈ɔ̈r ë yïn, ku acïkï yïn bï tiam, Yɛn bï tɔ̈u wo yïn, ku gɛ̈l yïn ku muɔ̈k yïn aril.

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Edhekiɛl 3:17

“Mɛnh ë raan yïn ta ee raan ee tïït tëde baai de Yithriɛl. Abä keek lɛ̈k wël cä gäm yïn.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 18:20

Ku të nu kɔc kaarou ayï diäk kɔc cï guëër në rinkï, ya ka, ë keyiic cil ëtɛ̈ɛ̈n.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

2Tim 4:22

Ë Bɛ̈nydït Yecu Kërtho ë ye tɔ̈u ke wëiku. Ë dhuëëŋdepiɔ̈u ë ye tɔ̈u ke week wedhie Amiin

Bäny 2:1

Go tunynhial ë Bɛ̈nydït jäl në Gilgal le Bokim ku yöök kɔc ke Yithriɛl an, “Wek cä bɛ̈ɛ̈i bei në Rip ku lɛɛr wek paan ɣɔn cä gäm kuarkun. Guɔ lueel an, “Yɛn cïï löŋdiën cä mac bï dhoŋ kɔ̈u wo week.