Ɣabakuk 2:6 - JAM DE NHIALIC 2011

⁶ Ku ade kööl bɔ̈ kööl bïï kɔc cïk peec keek bɛ dɔl gup, ku lëkkï keek an, “Wek ee kajuëc cie kakun nööm, Amawoou në week, Nhialic abï we luöi këtuc. Agut cï nɛn bä wek kuɛth cuuth në wëu yak dhɛ̈n kɔc ku bɛkï ke kɔ̈ɔ̈ny në riɛl?

Ɣabakuk 2:6 ပူးပေါင်းရင်းမြစ်များ

Diɛt 94:3

Bɛ̈nydït agut cï nɛn yen bïï kɔc ee karɛc looi piɔ̈ɔ̈th miɛt? Agut cï nɛn, Bɛ̈nydït?

Kɛ̈ŋ 22:16

Yaaŋ de kɔc kuanynyïïn kɔɔr ë raan kajuëc ku miɔ̈c de kɔc kueth, ayek raan bɛ̈n nyääŋ kuany ë nyin.

Yith 10:13

Melik de Athiriya aɣɛ̈ɛ̈c yenɔm an, “Ee köŋdï yen ë loi yen ëbɛ̈n. Yɛn ril ku pɛl nɔm ku ŋiɛc käŋ. Yɛn cï akɛɛth nu ë kɛm ke juöör nyaai ku nääm kajuëc cïk kuɛ̈t röt. Yɛn ee cath ë kɔc tɔ̈u ëtɛ̈ɛ̈n kɔ̈ɔ̈th cït man ë thɔn.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 5:8

Amawoou në week! Kɔc ee ɣööt ku duum ɣɔɔc ku matkï keek në kakuön thɛɛr yiic. Ee nïn bɔ̈yë acïn piny bï döŋ, të bï raan däŋ bɛ lɛɛr, ee kek abï nyääŋ piny ke ke ceŋ ëtɛ̈ɛ̈n kapäc.

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Jeremia 17:11

Raan ee wëu yök në ruëëny acït din ee toŋ kën ke dhiëëth kuem. Në pïïrde yic cil, kuɛthde abï määr ëbɛ̈n, ku në kecök ciëën abï ciën naamde, abï aa dhɔ̈n tei.

Jeremia 29:22

Të ye kɔc wään cï jɔt ë Jeruthalem leerë ke Babilonia ke ke mac, të kɔɔr kek bïk raan cieen, abïk aa lueel an, ‘Nhialic abï yïn looi cï Dhedekia ku Aɣap, kɔc wään bïï ë melik de Babilonia ke nyok ke ke pïïr!’

Jeremia 50:13

Në biäk de agönhdï acïn raan bï ceŋ ë Babilon, abïï nyääŋ piny ke cï riääk, ku kɔc bï aa tëëk ëtɛ̈ɛ̈n abïk päu ku gɛ̈ikï.

Edhekiɛl 32:21

Kɔc ril, ku kɔc wään thäär në biäk de Rip, acïk kɔc ke Rip loor nïïm paan ë thuɔɔu. Ayek cööt në röl dït: “An kɔc wään cïn yiëth cï nɔ̈k në tɔŋic, acïk bɛ̈n piny eenë paan ë thuɔɔu, ku kek kï eenë!

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

Ɣabakuk 1:15

Kɔc ke Babilon ayek kɔc gɔn në alɔbithɔden ku thëlkï ke bei në boiken, ku jɔkï lɔ ke ke dɔl ku leckï kenïïm?

Ɣabakuk 2:12

Amawoou në week, wek kɔc cï pänydït yïk në lëu de riɛm, ku luɔi de karɛc.

Ɣabakuk 2:13

Juöör cäk peec acïk luɔi looi luɔi cïn kë cïk yök thïn, acïk tiam ku këriëëc cïk looi abï nyop ëbɛ̈n. Ee Yen Bɛ̈nydït de rɛm Yen aloi ee kënë.

Kuɛ̈n 23:18

Go Balaam jam jɔ gɔl lueel an, “Bä, Balak wën ë Dhipor, bä piŋ ke luɛɛl.

Kuɛ̈n 23:7

Go Balaam jamde gɔl an, “Balak ë ya bɛ̈ɛ̈i piny de Aram, Meliŋ de Mowap acï ya diëc në kur ke aköl amiäk acï lɛ̈k ɛn an, “Bä ciënë yɛn baai de Jakop, Bä ciënë yɛn kɔc ke Yithriɛl!’

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.