Ɣabakuk 2:20 - JAM DE NHIALIC 2011

²⁰ Bɛ̈nydït ee nu në luaŋdɛn ɣeric yic, ka kɔc ceŋ piny ë ke lɔ lïk në Yenɔm.

Ɣabakuk 2:20 ပူးပေါင်းရင်းမြစ်များ

Jop 37:20

Yɛn cïï Nhialic duëër thiëëc bä jam wokë Yen, ee ŋö yan En gäm kaam bï ya riɔ̈ɔ̈k?

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Diɛt 115:3

Nhialicda anu paannhial, ee këdɛn kɔɔr looi.

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Yith 41:1

Aye Nhialic lueel an, “Miɛmkï thook ku piɛŋkï Yɛn thok wek piiny mec! Guiɛɛrkï röt bäk göönydun lɛɛr në bäny ke luk nïïm, wek bï dɛk kaam bä wek jam. Bäk mɛtku wonïïm tëtök buk löŋ mac eeŋa de yic.

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Yith 66:6

Piɛŋkï! Awuɔɔu dïït nu ë pänydït yic, awuɔɔu ee bɛ̈n Luaŋdït, ee röl de Bɛ̈nydït lui yen kɔc ke aterde këtuc!

Jona 2:4

Aa cä thɔ̈ɔ̈ŋ an cï ya cuɔp wei ë Yïlɔ̈ɔ̈m, ku cä luaŋduön ɣeric bï bɛ nyɔk në tïŋ.

Jona 2:7

Wën yɔ̈k ɛn rɔt ke ya ye raan thou, Bɛ̈nydït, Yïn cä bɛ̈n lɔ̈ŋ, ku Yïn ë lɔ̈ŋdï bɛ̈n piŋ luaŋduön ɣeric yic.

Maika 1:2

Go Maika lueel an, “Piɛŋkï wek juöör cieŋ pinynɔm ëbɛ̈n! Bɛ̈nydït Nhialic yen abï kërɛɛc cäk looi nyuɔɔth ëgɔk. Piɛŋkï! Abï jam ke nu luaŋdɛn ɣeric paannhial.

Ɣabakuk 3:1

Go tiët Ɣabakuk lɔ̈ŋ në ee lɔ̈ŋë an,

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.