Ɣabakuk 2:19 - JAM DE NHIALIC 2011

¹⁹ Amawoou në week, wek kɔc ee tiim ku kur cäk guaŋ yɔ̈ɔ̈k an, “Pääckï jatkï röt. Duëër yanh ë guaŋ jam ke week? Na cak kɔc ke deer kɔ̈ɔ̈th në ateek ku adhääp, ka cïn kë duëërkï lueel ku cïkï pïïr.

Ɣabakuk 2:19 ပူးပေါင်းရင်းမြစ်များ

Diɛt 135:15

Yiëth ke juöör kɔ̈k aye ke looi në ateek ku adhääp, aake looi ë kɔc në kecin.

Diɛt 135:17

Adekï yïth ku acïkï ee piŋ, ku acïkï wëi ee lëu aya.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Yith 26:14

Ënɔɔnë acïk thou ku acïkï bï bɛ pïïr, Atïïpken acïkï röt bï jɔt, në luɔi cïï Yïn ke luöi këtuc ku riäk keek. Acïn raan be ke tak ananden.

Yith 40:19

Acïï cït yath ye raan ee thäth looi, kë ye thɛ̈th kum kɔ̈u në adhääp ku jɔ dam piny në kuɛɛt ke ateek.

Yith 41:26

Eeŋa cï ye caar në week yiic nɔn duëër ee kënë rɔt looi, agoku jɔ ŋic nɔn luɛɛl wek yic? Acïn raan töŋ në weyiic cï wɛ̈t lueel në biäkde, acïn raan cï kë luɛlkï piŋ!

Yith 44:17

Ku biäk däŋ de tim aye yen yath looi, ku jɔ yenɔm guöt piny ku lɛm. Aye lam ku lueel an, “Yïn ee yanhdï, kony ɛn!”

Yith 46:6

Kɔc ayek athepkɛn ke adhɛ̈p liep thook ku wɛ̈lkï adhɛ̈p piny, ayek atek them në kake thëm. Ayek thɛ̈th riɔp bïï ke thäth yath, na ë lë ke ke gut kenïïm piny ku lamkï!

Yith 57:6

Wek ee kur lip nööm ëtɛ̈ɛ̈n ku lamkï keek ke ke ye yiëth. Ku ayak keek gäm mɔ̈u ke ye miɔ̈c ye dek, ku yiɛ̈nkï keek rap ke ke ye miɔ̈c ë rap. Yak tak miɛt piɔ̈u wo ee kake ëbɛ̈n.

Jeremia 10:14

Ku të cï ee kakë tïŋ, kɔc ayek aa dhän ku cïnkï nïïm, kɔc ee yiëth looi ayek gup yäär, në biäk ye yiëth yek looi lueth ku cïnkï yiic wëi.

Jeremia 10:3

Yanh de ee kɔckë acïn kony. Tim aye yep rooric, aye guaŋ në ka ye atët ke tiim guaŋ,

Jeremia 10:4

ku jɔ ke jäm në ateek ku adhääp. Ku jɔ rek në joth, në biäk cïï yen bï pɔ̈k.

Jeremia 10:9

Yiëthken acï keek rɔɔth kɔ̈ɔ̈th në ateŋ ë Tarcic, ku adhäm ë Yupadh, ee luɔi de atëët ëbɛ̈n, aceŋkï lupɔ kääcduet ku lupɔ amujuŋ aake looi ë atën ee lupɔɔ kɔɔc.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Jeremia 51:17

Ku në ee kakë yiic, kɔc ayek röt yök ke ke ye dhän ku cïnkï naamden, kɔc ee yiëth looi acïk määr, në biäk ye yiëthkɛn yek looi lueth ku cïnkï yiic wëi.

Jeremia 51:47

Ku akööl acïk bɛ̈n akööl bän thɔ̈ɔ̈r wokë yiëth ke Babilonia. Yen paan ë Babilon ëbɛ̈n abï yäär, ku kɔcke kedhie abï keek nɔ̈k.

Danyel 3:1

Go melik Nebukadnedhar kë cï käär ë adhääp looi, bɛ̈ɛ̈rde ee mitïïr kathiërrou ku dhorou, ku päu de yen yic ee mitïïr kadiäk, ago tɔ tɛ̈ɛ̈uwë piny ë riaaŋ ë Dura yic paan de Babilon.

Danyel 3:18

Ku na cïï wo luäk, ka abä ŋic yïn melik nɔn cïï wok yanhdu bï lam, ku wok cïï wonïïm bï guöt piny në këde adhääp cï käär wään cï looi nɔm.”

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 3:7

Ku ee të wën piŋ kek röl de ka ye gut, go kɔc ke juöör kedhie ku thook kenïïm guöt piny ku lɛmkï kë de adhääp cï käär, kë wään looi ë melik Nebukadnedhar.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 5:4

ku piɔnykï yiëth ë loi në adhääp, ku ateek, ku maläŋ, ku wëëth, ku tim, ku kuur.

Jona 1:5

Ago kɔc lui abël wïïric ëbɛ̈n riɔ̈ɔ̈c ku jɔ ŋɛk yanhde cɔɔl ku cɔl ŋɛk yanhde, acïk käŋ dɛɛny wïïr Ku dhëëthkï kajuëc kɔ̈k wïïr në biäk bïï abël wïïr pial. Ku Jona aa cï lɔ ë pulic në abëlic piny, ku aacï thiai ke nïn.

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Nyuuth 17:4

Ku ceŋ tik lupɔ thiith amujuŋ ku lupɔ thith, ku cï rɔt kiir ë adhääp ku kɔi lɛ̈k tuc ë ɣööcden, ku kɔi cɔl margariti, ku muk bïny ë adhääp ë yeciin bïny cï thiäŋ ë kanhiany ku ka ke bɛɛlde karɛc aläldïïtë,