Ethta 9:25 - JAM DE NHIALIC 2011

²⁵ ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Ethta 9:25 ပူးပေါင်းရင်းမြစ်များ

1 Mel 8:32

ke Yï pïŋ Bɛ̈nydït paannhial ku guiir löŋ de kɔckuön ee Yïn luööi në kɛmken, raan gööny ku raan gɔɔnyë, ku luöiyë raan de kë cï wööc këtuc, ku päl raan ee këpiɛth looi ku thiei cït man ë tän de piathëpiɔ̈nde.

Ethta 3:6

Na ɣɔn ale ye ŋic nɔn ye Modekayo raan ë Judai, ke tak këtuc wär kë duëër luöi Modekayo yetök, go kiɛɛr rac luöi kɔc ke Judai tɔ̈u piny cieŋ ë Melik Athuwereth ëbɛ̈n, an bï keek nɔ̈k.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Ethta 7:4

Wok cï thök në ɣɔɔc ɣöcë wo thuɔɔu, yɛn wokë kɔckï, bï wo tɛm röt, riäk wo, ku riäär wonyïïn. Na jɔ wo ɣaac tei në luɔi bï wok aa lïïm, diäär ku röör, ke yɛn duëër mim ku cïn kë luɛɛl, acie yen duëër ë raan Melik jut guöp!”

Ethta 7:5

Go Melik Athuwereth lɛ̈k tiiŋ Melik Ethta an, “Eeŋa ku tɔ̈u ë nou, yen ë raan kɔɔr bïï kërɛɛc cït ee kënë looi?”

Diɛt 140:8

Du kɔc rac gëm këdɛn kɔɔrkï, du kiɛɛrden tɔ tiëm.

Diɛt 140:9

Du kɔc ke aterdï tɔ tiëm, tɔ riëëcdɛn ye kek a riääc puk rɔt keek.

Diɛt 141:10

Tɔ kɔc rac tɔ lööny ë boikɛn cïk dɛɛp yiic, ku bä tëëk ke cïn kë yök ɛn.

Diɛt 7:16

Ku abïï kërɛɛcdɛn yek looi keek aa luöi këtuc. Ku abïk bɔ̈t aa yök në biäk de akuöörkuöörden.

Diɛt 7:17

Yɛn bï Bɛ̈nydït gäm alɛɛc rɔ̈ŋ ke piathëpiɔ̈nde, ku yɛn bï Bɛ̈nydït Awärjäŋ leec në diɛt.

Diɛt 94:23

Abï keek gɔ̈k në biäk de luɔi rɛɛcden, ku riëëk keek në biäk de karɛcken, Abïï Bɛ̈nydït Nhialinyda keek riɔ̈ɔ̈k.

Kɛ̈ŋ 26:27

Raan ee pul wɛ̈c raan däŋ, yen ee löny thïn, ku raan ee kuur lɔ̈ɔ̈r raan däŋ, ee rɔt dɔ̈k en.

Kɛ̈ŋ 5:22

Awäny de raan ee kërac looi acït wïn ë dɛ̈p. Aye wïn ë dɛ̈p de karɛc yek looi keek dɔm.

Yith 22:25

Të lee ee kënë lɔ tuöl, löny wään cï piäät aril, abï rɔ luek ku wïïk. Ku yen abï aa thök de ka cï nöök ë yekɔ̈u kedhie.” Acïï Bɛ̈nydït de rɛm lueel.

Obadaya 1:15

Ago Bɛ̈nydït jam lueel an, “Akööl acïk thiɔ̈k, akööl bän juöör ke piny nɔm luöi këtuc kedhie. Kë cäk looi wek kɔc ke Edom, yen abï bɛ luöi week. Kë man ë luɔikï, yen abï rɔt bɛ puɔ̈k week.

Math 21:44

Ku raan bï lööny ë kuurë nɔm abï dhuɔŋ, ku raan bïï kuurë lööny ë yenɔm, abï mot abï ciët abuui.

1 Tham 25:39

Na wën, aa piŋ ë Debid nɔn cï Nabal thou, go lueel an, “Athiɛɛi abï tɔ̈u kekë Bɛ̈nydït, në luɔi cï yen göönydï lueel wokë Nabal, raan wään yɔŋ ɛn. Acï lïmde tiit ke cïï kërac bï looi, ku tɔ karɛc ye Nabal ke looi lööny në yenɔm yetök.” Na wën ke Debid ë tɔ thok lɔ tëde Abigail, luɔi kɔɔr en en bïï ya tiiŋde.