Ethta 9:21 - JAM DE NHIALIC 2011

²¹ yöök keek bïk nïn ke pɛɛi de Adar ke ye thok thiëër ku ŋuan ku thiëër ku dhïc nööm ke ye akööl ke lɔ̈ŋ bï kek dhuëëŋ de miɛtëpiɔ̈u aa looi thïn, në ruöön thok ëbɛ̈n.

Ethta 9:21 ပူးပေါင်းရင်းမြစ်များ

Edhr 6:15

Ku në kööl ye pɛɛi de Adar thok diäk (yen aye Aköldït në thoŋda), në ruöön ye Melik Dariouth run dhetem në bäänyic, yen aa jɔ ɣöt thök në yïk.

Ethta 3:7

Na wën, aacï Melik Athuwereth run thiëër ku rou ë bäänyic, ë pɛɛi tueŋ cɔl Nithan (yen aye Bildït në thoŋda), ke Ɣaman ë yöök kɔc bïk gɛk dɛɛny ku ayek gɛk cɔɔl an Pur, ke ke bï kööl bï kek kiɛɛrdɛn cïk mat looi thïn ŋic. Go gɛk pɛɛi ë thiëër ku rou lɔc, pɛɛi cɔl Adar (yen aye Aköldït në thoŋda).

Ethta 9:17

Kënë aa loi rɔt ke pɛɛi cɔl Adar ë ye thok thiëër ku diäk. Na ɣɔn aacï pɛɛi thok thiëër ku ŋuan, ke ke jɔ lɔ̈ŋ ku nömkï ke ye kööldɛn de miɛtëpiɔ̈u, looi kek dhuëëŋ thïn.

Ethta 9:18

Ku Judai tɔ̈u ë Thutha, aake biɔ̈k në kɔc ke aterden, në kööl yen thok thiëër ku diäk ku thiëër ku ŋuan de pɛɛi de Adar, ku kööl yen thok thiëër ku dhïc, ke ke jɔ lɔ̈ŋ ku nömkï ke ye kööl de miɛtëpiɔ̈u, looi kek dhuëëŋ thïn.

Ethta 9:20

Modekayo ë kakë gäär piny kedhie, ku gɛ̈ɛ̈r awereek kɔc ke Judai tɔ̈u ë wuöt ke Melik Athuwereth yiic kedhie, wuöt thiɔ̈k ku wuöt mec,

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Ethta 9:27

Judai acïk aköölkë bɛ̈n tääu në ciɛɛŋdenic kedhie, në mïthken, ku mïth ke mïthken, ku kɔc cï lɔ në keyiic. Bïk aköölkë aa döt cït man cï ye gɔ̈ɔ̈r awerekic, ku lɔ thaar cï mäc yen, në ruöön thok ëbɛ̈n,

Ethta 9:29

Go Ethta tiiŋ Melik nyan Abiɣail kekë Modekayo raan ë Judai, awerek däŋ gɔ̈ɔ̈r, ku në awerekë yic Ethta ë riɛlde bɛ̈n tääu thïn, awerek wään cïï Modekayo jɔ bɛ gɔ̈ɔ̈r në këde Purim.